जिल्ह्यात १५ जणांना कोराेना; १६ जण कोराेनामुक्त

सांगली : जिल्ह्यात शनिवारी १५ जणांना कोरोनाचे निदान झाले. कोरोनाला लागलेला उतार कायम राहताना, उपचार घेत असलेल्या रुग्णांपैकी १६ जणांनी कोरोनावर मात केली. महापालिका क्षेत्रासह जिल्ह्यातील कवठेमहांकाळ, शिराळा आणि मिरज तालुक्यात एकही नवा रुग्ण आढळलेला नाही. शिवाय एकाही मृत्यूची नोंद न झाल्याने दिलासादायक चित्र आहे.

कोरोनाबाधितांच्या संख्या मर्यादीत राहताना बरे होणाऱ्यांचेही प्रमाण वाढत आहे. महापालिका क्षेत्रातील रुग्णसंख्येही मोठी घट हाेत आहे.

आरोग्य विभागाच्यावतीने शनिवारी आरटीपीसीआरअंतर्गत २३४ जणांच्या नमुन्यांची चाचणी घेण्यात आली. त्यात ४ जणांना कोरोनाचे निदान झाले आहे; तर रॅपिड ॲन्टिजेनच्या ९५६ चाचण्यांमधून ११ जणांचा अहवाल पॉझिटिव्ह आला आहे.

रुग्णालयात उपचार घेत असलेल्या १९२ रुग्णांपैकी ५० जणांची प्रकृती चिंताजनक आहे. यातील ४२ जण ऑक्सिजनवर, तर ८ जण व्हेंटिलेटरवर उपचार घेत आहेत.

चौकट

आतापर्यंतचे एकूण बाधित ४७६२७

उपचार घेत असलेले १९२

कोरोनामुक्त झालेले ४५७०२

आतापर्यंतचे एकूण मृत्यू १७३३

शनिवारी दिवसभरात

खानापूर, आटपाडी प्रत्येकी ४

वाळवा ३

जत २

पलूस तासगाव प्रत्येकी १