जिल्हा परिषदेतर्फे गुरुवारी कवठेमहांकाळ, मिरज, खानापूर व आटपाडी या तालुक्यांतील कोरोना स्थितीचा व्हिडिओ कॉन्फरन्सद्वारे आढावा घेण्यात आला. यामध्ये उपाध्यक्ष शिवाजी डोंगरे, सभापती जगन्नाथ माळी, प्रमोद शेंडगे, आशा पाटील, सुनीता पवार, मुख्य कार्यकारी अधिकारी जितेंद्र डुडी, उपमुख्य कार्यकारी अधिकारी डॉ. तानाजी लोखंडे, आरोग्याधिकारी डॉ. मिलिंद पोरे, लसीकरण अधिकारी डॉ. विवेक पाटील, साथरोग अधिकारी डाॅ. संतोष पाटील, आदी सहभागी झाले.
अध्यक्षा कोरे यांनी सांगितले की, ग्रामीण भागात शंभर टक्के लसीकरणासाठी दक्षता समित्या व ग्रामपंचायतींनी पुढाकार घ्यावा. कोरोनाची साथ नियंत्रणात आणण्यासाठी नियमांचे काटेकोर पालन होईल याकडे लक्ष द्यावे. जिल्हा परिषदेतर्फे पाच आरोग्य केंद्रांत ऑक्सिजन बेड वाढविण्यात येत आहेत. आरग, विटा, वांगी, चिकुर्डे व आटपाडीत प्रत्येकी २० आणि माडग्याळमध्ये ४० बेड मिळतील. तेथे कंत्राटी स्टाफ व ऑक्सिजन पुरवठ्याची सोय केली जाईल.