Latest Relationship News | Relationship Marathi News | Latest Relationship News in Marathi | रिलेशनशिप: ताज्या मराठी बातम्या

प्रेम ही जगातली सर्वात चांगली आणि आनंद देणारी भावना आहे असे म्हटले जाते. पण समोरचा व्यक्ती खरंच तुमच्यावर प्रेम करतो की, केवळ त्याला आकर्षण वाटतं हेही जाणून घेणं महत्वाचं असतं. कारण अनेकदा केवळ आकर्षणालाच प्रेम समजलं जातं आणि त्यामुळे नंतर अनेक अडचणींचा सामना करावा लागतो. पण मुलं प्रेमात पडल्यावर कसे वागतात याची काही निरीक्षणे आहेत ते खालीलप्रमाणे सांगता येतील. प्रेमात पडल्याची पहिली निशानीतुमचा पार्टनर तुमच्यावर प्रेम करतो की नाही किंवा त्याचं किती प्रेम आहे हे जाणून घेण्याची उत्सुकता प्रत्येकालाच असते. तर प्रेमाची पहिली निशानी ही समजली जाते की, तुम्ही कसे दिसता किंवा तुमच्या चेहऱ्यावर डाग आले आहेत, याने त्याला काहीही फरक पडत नाही. तो केवळ तुम्हाला पसंत करतो आणि तुमच्यासोबत राहून आनंदी राहतो. गोडगोड नाही तर खरं बोलतोजी व्यक्ती तुमच्या प्रेमात पडली आहे ती व्यक्ती तुम्हाला खूश करण्यासाठी तुम्हाला जे ऐकायला आवडतं ते बोलत नसतो. तो तुम्हाला ते सांगत असतो जे तुम्ही जाणून घेणं गरजेचं आहे. अशात त्याच्या त्या गोष्टींवर नाराज होण्यापेक्षा त्याच्या प्रेमाला समजून घेण्याचा प्रयत्न करा.काय परिधान केलंय?तुम्ही काय कपडे परिधान केले, कसे केले याने त्याला काहीही फरक पडत नाही. किंवा इतर मुली काय परिधान करतात आणि तुम्ही तसं करत नाहीत याचाही त्याला फरक पडत नसतो. कारण त्याला तुमच्या कपड्यांच्या सेन्सपेक्षा तुमच्यावर जास्त प्रेम असतं. तुमच्या कामात तुम्हाला मदत करणेबाहेर कुठेही जाताना त्याला जर तुमच्यासोबत जाण्याची इच्छा असेल तर याला पझेसिव्हनेस समजू नका. याचा दुसरा भाग असाही असू शकतो की, त्याला प्रत्येक क्षण तुमच्यासोबत घालवायचा असेल. पण याला किती सीमा असावी हे तुम्हाला चांगलं माहीत आहे. त्यामुळे निर्णय तुम्ही घ्यावा. तुम्हाला समजावून सांगणेप्रेमात गोड गोड बोलणारे खूप असतात. प्रेमात कौतुक करणारेही खूप मिळतात. पण तुमच्या चूकांवर पांघरूण न घालता त्या तुम्हाला दाखवणारे कमी असतात. जे तुमच्यावर खरं प्रेम करतात ते कधीही तुमच्या तुमत्या चूका लपवून ठेवत नाहीत.

Relationship (Marathi News)