रत्नागिरी : रत्नागिरी तालुक्यातील हातखंबा जिल्हा परिषद गटामध्ये पक्षाने दिलेल्या उमेदवारांविरोधात उघडपणे बंडखोरी करणारे परशुराम कदम यांची पक्षातून हकालपट्टी करण्यात येत असल्याची माहिती एका पत्रकाद्वारे जिल्हाप्रमुख राहुल पंडित यांनी दिली आहे.परशुराम कदम हे पालकमंत्री उदय सामंत यांचे कट्टर समर्थक म्हणून ओळखले जात होते. त्यांनीही हातखंबा जिल्हा परिषद गटातून उमेदवारी मागितली होती. परंतु, पक्षाने त्यांच्याऐवजी सुयोग कांबळे यांना उमेदवारी दिली. त्यामुळे परशुराम कदम नाराज झाले. त्यांनी अपक्ष म्हणून आपला उमेदवारी अर्ज दाखल करत उघडपणे बंडखोरी केली आहे. त्यांनी केलेल्या बंडखाेरीमुळे पक्षातून त्यांना काढून टाकले जात असल्याचे जिल्हाप्रमुख राहुल पंडित यांनी सांगितले आहे.मुन्ना देसाई यांचा राजीनामाशिंदेसेनेच्या युवासेनेचे रत्नागिरी (दक्षिण) जिल्हाप्रमुख केदार ऊर्फ मुन्ना मधुसूदन देसाई यांनी आपल्या पदाचा तडकाफडकी राजीनामा दिला आहे. त्यांनी आपला राजीनामा शिंदेसेनेचे जिल्हाप्रमुख राहुल पंडित यांच्याकडे दिला आहे. त्यांनी वैयक्तिक अडचणींमुळे युवासेनेच्या जिल्हाप्रमुखपदाचा राजीनामा देत असल्याचे राजीनामापत्रात म्हटले आहे. मात्र, परशुराम कदम यांची पक्षातून हकालपट्टी केल्याने मुन्ना देसाई यांनी आपल्या पदाचा राजीनामा दिल्याची चर्चा रंगू लागली आहे.
Web Summary : Parshuram Kadam expelled from Shinde Sena for contesting against party candidate. Yuva Sena's Munna Desai resigns amidst the turmoil after Kadam's removal.
Web Summary : पार्टी उम्मीदवार के खिलाफ चुनाव लड़ने पर परशुराम कदम को शिंदे सेना से निष्कासित कर दिया गया। कदम को हटाने के बाद युवा सेना के मुन्ना देसाई ने इस्तीफ़ा दिया।