कापरे आराेग्य केंद्राला विविध साहित्यासह औषधी भेट

अडरे : चिपळूण तालुक्यातील कापरे आरोग्य केंद्राला महाराष्ट्र राज्य प्राथमिक शिक्षक संघ तालुका शाखा चिपळूण यांच्यावतीने मदतीचा हात देत काही साहित्य व औषधी भेट दिली.

कोरोना महामारीत कापरे प्राथमिक आरोग्य केंद्रातील वैद्यकीय अधिकारी, आरोग्य सेवक-सेविका व आशा स्वयंसेविका चांगली कामगिरी बजावत आहेत. त्यांच्या आरोग्याविषयी काळजी घेत तसेच आरोग्य केंद्रात येणाऱ्या रुग्णांसाठी महाराष्ट्र राज्य प्राथमिक शिक्षक संघाने सामाजिक बांधिलकीतून हॅण्डग्लोव्हज, सॅनिटायझर, मास्क, औषधे यांचे वाटप केले़