लसीकरणासाठी ‘त्या’ने उपलब्ध करून दिली माेफत रिक्षा सेवा

अरुण आडिवरेकर

रत्नागिरी : पेट्राेलच्या वाढत चाललेल्या दरामुळे आधीच रिक्षा व्यवसाय अडचणीत आला आहे. तरीही लसीकरणासाठी वयाेवृद्धांची हाेणारी परवड लक्षात घेऊन त्यांच्यासाठी माेफत रिक्षा सेवा उपलब्ध करून देण्याचा उपक्रम राजापूर शहरातील दशरथ दुधवडकर या तरुणाने हाती घेतला आहे. या उपक्रमामुळे गरजू आणि वाहनांचे साधन नसलेल्या नागरिकांना माेठा आधार मिळाला आहे.

तालुक्यात माेठ्या प्रमाणात काेराेनाचे रुग्ण आढळत आहेत. त्यामुळे जास्तीत जास्त नागरिकांचे लसीकरण करण्यासाठी तालुका आराेग्य विभागाचे प्रयत्न आहेत. आराेग्य उपकेंद्रांतर्गत लसीकरणाची माेहीम राबविण्यात येत आहे. राजापूर शहरातील ग्रामीण रुग्णालयातही लसीकरणाची माेहीम सुरू आहे. शहरापासून ग्रामीण रुग्णालय दूर अंतरावर असल्याने आणि लाॅकडाऊनमुळे वाहनांची संख्या कमी असल्याने लसीकरण केंद्रावर पाेहाेचणे अवघड हाेत आहे. लस घेण्यासाठी जाणाऱ्या वयाेवृद्धांना चालत जाणे मुश्कील हाेत आहे. चढावातून चालत जाताना कधी थांबत, तर कधी सावलीचा आधार घेत वयाेवृद्ध लसीकरण केंद्रावर पाेहाेचत आहेत. वयाेवृद्धांचे हाेणारे हाल लक्षात घेऊन शहरातील तरुण दशरथ दुधवडकर याने वयाेवृद्धांसाठी माेफत रिक्षा सेवा देण्याचा निर्णय घेतला.

स्वत:चा रिक्षा व्यवसाय सांभाळून लसीकरणासाठी जाणाऱ्या वयाेवृद्धांसाठी त्याने सामाजिक बांधिलकीच्या भावनेतून माेफत रिक्षा सेवा पुरविण्याचा उपक्रम सुरू केला. ज्यांच्याकडे वाहने नाहीत, ज्यांना लसीकरण केंद्रापर्यंत पाेहाेचण्यासाठी काेणताच आधार नाही, त्यांनी दशरथ दुधवडकर याला फाेन केला की, रिक्षा हजर हाेते. नागरिकाला लसीकरण केंद्रापर्यंत नेऊन पुन्हा घरी साेडण्याचे काम ताे करत आहे. दशरथ दुधवडकर याने यापूर्वी राजापूर नगर परिषदेत नगसेवक म्हणूनही काम बजावले आहे. त्यामुळे सामाजिक उपक्रमात सक्रिय असणाऱ्या दशरथने काेविड काळातही मदतीचा हात पुढे केला आहे. या उपक्रमामुळे अनेकांना आधार मिळाला असून, या उपक्रमाचे शहरवासीयांमधून काैतुक करण्यात येत आहे.

------------------------------

पेट्राेलचे दर खूप वाढले आहेत हे मान्य आहे. पण लसीकरणासाठी ग्रामीण रुग्णालयापर्यंत पाेहाेचण्यासाठी वयाेवृद्धांचे हाेणारे हाल न बघवणारे आहेत. त्यामुळे त्यांना मदतीचा हात देण्याचे मी ठरवले. ज्येष्ठांना लसीकरण केंद्रापर्यंत नेण्यापासून ते घरी आणण्यापर्यंत त्यांना सेवा देत आहे.

- दशरथ दुधवडकर