मास्क न वापरणाऱ्या दाेघांवर कारवाई

रत्नागिरी : कोरोना प्रतिबंधात्मक

कारवाईसाठी पोलीस विभाग सज्ज झाला असून, मास्कसह अन्य खबरदारीचे उपाय न

करणाऱ्यांवर कारवाई केली जात आहे. जयगड आणि हातखंबा येथे पोलिसांनी कारवाई

करत दाेघांवर गुन्हे दाखल केले आहेत.

मुंबई - गोवा महामार्गावरील हातखंबा तिठा येथे

कोरोना संसर्ग पसरण्याचा संभव असल्याचे माहीत असतानाही तोंडाला व नाकाला

मास्क न लावणाऱ्या प्रौढाविरोधात ग्रामीण पोलीस स्थानकात गुन्हा दाखल

करण्यात आला आहे. अरुण केशव पाडावे (५३, रा. झरेवाडी, रत्नागिरी) असे गुन्हा

दाखल केलेल्या प्रौढाचे नाव आहे. गुरुवारी सायंकाळी ६ वाजण्याच्या सुमाराला

ग्रामीण पोलिसांचे पथक मुंबई - गोवा महामार्गावर गेले होते. त्यावेळी त्यांना

हातखंबा तिठा येथे अरुण पाडावे तोंडाला मास्क न लावता सार्वजनिक ठिकाणी

फिरताना दिसले. याप्रकरणी अधिक तपास पोलीस हेडकाॅन्स्टेबल झगडे करत

आहेत.

तर जयगड येथे चाफेरी गवळीवाडीतील हॉटेल गुरुकृपा

येथे येणाऱ्या ग्राहकांना मास्क न वापरता खाद्यपदार्थ देणाऱ्या अनिल सोनू

केदारी (५१, रा. चाफेरी, गवळीवाडी) याच्यावर जयगड पोलिसांकडून

कारवाई करण्यात आली आहे.