मेष- कामात उत्साह राहील. व्यवसायात भरभराट होईल. लोकांच्या भेटीगाठी होतील. नोकरीत बदल होऊ शकतात. एखाद्या महत्त्वाच्या प्रकल्पासाठी तुमच्या नावाचा विचार केला जाईल. त्यामुळे तुमचे महत्त्व वाढेल. फायद्याच्या दृष्टीने चांगला काळ आहे.
वृषभ- धनलाभाच्या दृष्टीने चांगला काळ आहे. व्यवसायात भरभराट होईल. नफ्याचे प्रमाण वाढेल. घरात आनंदी वातावरण राहील. आपल्या आवडीचे पदार्थ ताटात दिसतील. बोलण्यात संयम राखण्याची गरज आहे. काहीना प्रवास करावा लागेल.
मिथुन- आर्थिक आवक चांगली राहील. जुनी येणी वसूल होतील. मालमत्तेच्या कामात यश मिळेल. नोकरीत चांगली स्थिती राहील. तुमच्या कार्यपद्धतीची प्रशंसा होईल. कामात उत्साह राहील. घरात खेळीमेळीचे वातावरण राहील. व्यवसायात विक्री चांगली राहील.
कर्क- कामाचा व्याप सांभाळताना तारेवरची कसरत करावी लागेल. कामे करताना आराम करण्यासाठी पण थोडा वेळ काढणे गरजेचे आहे. काही अडचणी येतील. पण, संयम सोडू नका. तब्येतीकडे दुर्लक्ष करू नका. जोडीदार तुमच्या मर्जीनुसार वागेल.
सिंह- ओळखीचा फायदा होईल. लोकांच्या भेटीगाठी होतील. व्यवसायात अभिनव उपक्रम हाती घेतले जातील. आपल्या आवडीचे काम करता येईल. जीवनसाथीशी वाद टाळणे योग्य ठरेल. महत्त्वाचे काम शक्यतो पुढे ढकला.
कन्या- राखावी बहुतांची अंतरे, भाग्य येते तदनंतरे याचा प्रत्यय येताना दिसेल. आरोग्याची काळजी घ्या. नोकरीत अनुकूल परिस्थिती राहील. जीवनसाथींशी सूर जुळतील. भेटवस्तूंची देवाण-घेवाण होईल. मुलांना यश मिळेल. धनलाभ होईल.
तूळ- महत्त्वाच्या कामात यश मिळेल. तुमचे वर्चस्व प्रस्थापित करण्यात यश मिळेल. तुमचा शब्द वाया जाणार नाही. लोक तुमचा मान राखतील. घरात लगवग राहील. लोकांची ये-जा चालू राहील. अनावश्यक खर्चाला आवर घातला पाहिजे.
वृश्चिक- ग्रहमान अनुकूल राहील. पर्यटनाच्या निमित्ताने प्रवास होईल. नवीन जवाबदारी अंगावर पडेल. व्यवसायात सतत कार्यरत राहावे लागेल. आर्थिक आवक चांगली राहील. काही आवश्यक खर्च करावा लागेल. प्रसिद्धी मानसन्मान मिळेल.
धनू- लोकांच्या भेटीगाठी होतील. मध्यस्थी करण्यासाठी वेळ द्याल. आपला सल्ला योग्य ठरेल. नोकरीत वादापासून दूर राहा. अडचणीतून मार्ग निघेल. अचानक धनलाभ होऊ शकतो. लॉटरीचे एखादे तिकीट घेऊन पाहण्यास हरकत नाही.
मकर- धार्मिक कार्यात भाग घ्याल. स्वतःहून लोकांना सल्ला देऊ नका. मुलांशी संवाद साधला पाहिजे. तुमच्या चांगूलपणाचा कुणी गैरफायदा घेणार नाही याची काळजी घ्या. व्यवसायात भरभराट होईल. आर्थिक आवक चांगली राहील. जीवनसाथीशी मधुर संबंध राहतील.
कुंभ- आर्थिक आवक चांगली राहील. जुनी येणी वसूल होतील. त्यासाठी थोडे प्रयत्न करावे लागतील. घरातील कागदपत्रे नीट लावून ठेवा. महत्त्वाचे काम पुढे ढकलणे ठीक राहील. वाहनाच्या वेगावर नियंत्रण ठेवा. तब्येतीकडे दुर्लक्ष करू नका.
मीन- मौजमजा करण्यासाठी पैसा आणि वेळ खर्च कराल. कागदपत्रांवर सह्या करताना खबरदारी घ्या. मनात आनंदी विचार राहतील. पर्यटनाच्या निमित्ताने प्रवास घडून येईल. जवळच्या लोकांच्या भेटीगाठी होतील.
- विजय देशपांडे (ज्योतिष विशारद)