रायगड - नागरिकांनो लस घ्या अन् कोरोनाला पळवा, असे आवाहन प्रसिध्द क्रिकेटपटू रोहित शर्माने केले आहे. रोहित शर्मा आज खाजगी कामानिमित्त अलिबाग येथे आला होता. यावेळी त्याने रायगड जिल्हा प्रशासनाच्या वतीने नागरिकांना लसीकरणासाठी पुढे येण्याचे आवाहन केले. याबाबतचा व्हिडिओ सोशल मिडीयावर व्हायरल होत आहे.
यावेळी अलिबाग तहसिलदार मीनल दळवी, सारळ मंडळ अधिकारी पी.बी मोकल यांच्यासह इतर अधिकारी, कर्मचारीही उपस्थित होते.
कोरोना विषाणू संसर्गामुळे संपूर्ण जग त्रासलेले आहे. अशा परिस्थितीमध्ये कोरोनापासून संरक्षण करण्यासाठी नागरिकांसाठी लसीकरण हा एकमेव प्रभावी पर्याय आहे. त्यादृष्टीने सध्या सर्वत्र प्रशासनातर्फे लसीकरणावर जोर दिला जात आहे. त्यासाठी जिल्हाधिकारी डॉ. महेंद्र कल्याणकर यांच्या मार्गदर्शनाखाली रायगड जिल्हा प्रशासनाकडून सर्व पातळीवर जोरदार प्रयत्न सुरु आहेत.
नागरिकांनी कोरोना लसीकरण करून घेण्याबाबतचे आवाहन करणारा रोहित शर्माचा व्हिडीओ मोठ्या प्रमाणावर व्हायरल होत आहे.