लोकमत न्युज नेटवर्क पनवेल :पनवेल महानगरपालिका निवडणुकीत भाजपने नितीन पाटील यांच्या रूपाने पहिला विजय प्राप्त केला असताना आणखी दोन उमेदवार बिनविरोध झाले आहेत.
पनवेलच्या प्रभाग 19 अ जागेसाठी दर्शना भोईर आणि शेकाप आघाडीकडून दिव्या चांगदेव बहिरा यांनी अर्ज दाखल केले होते. दोघांचे अर्ज देखील वैध ठरले होते. पण काल झालेल्या घडामोडीत शेकाप आघाडीच्या दिव्या बहिरा यांनी अर्ज मागे घेतला. त्यामुळे भाजपच्या दर्शना भोईर या बिनविरोध झाल्या. तर प्रभाग 20 मधून भाजपकडून अजय तुकाराम बहिरा आणि शेकाप आघाडीकडून चांगदेव बहिरा व दिव्या बहिरा यांनी अर्ज दाखल केले होते.यामध्ये चांगदेव बहिरा आणि दिव्या बहिरा यांनी काल अर्ज मागे घेतले.त्यामुळे अजय बहिरा यांचा एकमेव अर्ज राहिला आणि त्यांची जागा बिनविरोध झाली.
भाजपच्या तीन जागा निवडणूक होण्यापूर्वीच बिनविरोध झाल्या आहेत. दरम्यान आज अर्ज मागे घेण्याच्या शेवटच्या दिवशी आणखी काही उमेदवार मागे घेण्याची शक्यता असल्याने मोठी घडामोड घडू शकते.
Web Summary : BJP's Darshana Bhoir and Ajay Bahira won unopposed in Panvel Municipal Corporation elections from wards 19 and 20 respectively after rivals withdrew nominations. This brings BJP's total unopposed wins to three. Further withdrawals are expected.
Web Summary : पनवेल महानगरपालिका चुनाव में भाजपा की दर्शना भोईर और अजय बहिरा निर्विरोध निर्वाचित हुए, प्रतिद्वंद्वियों ने नाम वापस लिए। भाजपा की कुल निर्विरोध जीत तीन हुई। आगे और नाम वापस होने की संभावना है।