केडगाव : केडगाव (ता. दौंड) येथील युवकाने बायको सासु सासऱ्याच्या त्रासाला कंटाळून आत्महत्या केली आहे. प्रशांत संपत शेळके (वय २५ राहणार देशमुख मळा केडगाव तालुका दौंड) असे युवकाचे नाव आहे. विशेष म्हणजे प्रशांत यांनी मृत्यूपूर्वी शेवटचा व्हिडिओ व्हॅलेंटाईन डेच्या दिवशी तयार केला असून तो या व्हिडिओमध्ये औषध प्राशन करताना दिसत आहे.
औषध घेण्यापूर्वी त्याने या व्हिडिओमध्ये पत्नी भाग्यश्री पिसे, सासु स्वाती पिसे व सासरे दत्तात्रेय पिसे सध्या राहणार केडगाव तालुका दौंड जिल्हा पुणे यांनी मला मानसिक, शारीरिक त्रास दिल्याचा आरोप शेळके यांनी शेवटच्या व्हिडीओमध्ये केला आहे. प्रशांत शेळके याने १४ फेब्रुवारी या दिवशी औषध प्राशन केले. पंधरा दिवस मृत्यूशी सामना करत अखेर 27 फेब्रुवारी रोजी पहाटेच्या सुमारास त्याचा मृत्यू झाला. प्रशांत शेळके यांचे वडील संपत शेळके यांच्या फिर्यादीवरून प्रशांत शेळके यांची पत्नी, सासू,-सासरे यांच्यासह प्रदीप भिवा नेवसे (राहणार बोरीपार्धी तालुका दौंड) यांच्याविरोधात गुन्हा दाखल झाला आहे. शेळके यांनी दिलेल्या फिर्यादीत मध्ये प्रशांतची पत्नी भाग्यश्री पिसे यांनी प्रशांतशी विवाह करण्यापूर्वी पहिला एक विवाह केला होता. तो विवाह लपवून ठेवत दुसरा विवाह प्रशांतशी केल्याचा आरोपही फिर्यादीत केला आहे.