पुणे आणि पिंपरी-चिंचवड दोन्ही ठिकाणच्या नागरिकांचे मी मनापासून आभार मानतो की त्यांनी भारतीय जनता पक्षावर प्रचंड मोठा विश्वास ठेवला आणि ज्याला खऱ्या अर्थानं लँडस्लाइड व्हिक्टरी म्हणतात, अशा पद्धतीनं एक प्रचंड मोठा विजय आम्हाला दिलेला. त्या सर्व नागरिकांचे मी केवळ आभारच मानत नाही तर, त्यांचे या ठिकाणी ऋणनिर्देशही करतो. ज्या प्रकारचा विजय पुणे आणि पिंपरी-चिंचवडनी दिलेला आहे. त्या विजयाचा आनंद तर आहेच, पण त्याहीपेक्षा आता जबाबदारीचं भान होतंय. अशा शब्दांद मुख्यमत्री देवेंद्र फडणवीस यांनी पुणे आणि पुणे आणि पिंपरी-चिंचवडच्या जनतेचे आभार मानले. ते पुण्यात पत्रकारांसोबत बोलत होते.
मी स्वतः मैदानात उतरणार -फडणवीस पुढे म्हणाले, "एवढा मोठा विजय हा एक प्रकारे जनतेने दाखवलेला विश्वास आहे. विकासावर मोदीजींच्या व्हिडनवर भाजपच्या कार्यप्रणालीवर, हा एक विश्वास आहे आणि म्हणून या विश्वासाला पात्र होण्याकरता आम्हाला जास्त मेहनत करावी लागेल. महापौर बनल्याच्या दुसऱ्या दिवशीपासूनच आम्ही जे काही व्हिजन मांडले आहे, ते प्रत्यक्षात उतरवण्याकरता मी त्याठिकाणी मैदानात उतरणार आहे.
पुणेकरांनी मोदीजींना, भाजपला आणि आमच्या नेत्यांना स्वीकारलं -दरम्यान, पुणेकरांनी अजित दादांना का नाकारलं? या पत्रकारांच्या प्रश्नावर बोलताना फडणवीस म्हणाले, "मी असं म्हणणार नाही की त्यांना (अजित पवार) नाकारलं. मी असं म्हणेन पुणेकरांनी मोदीजींना, भाजपला आणि आमच्या नेत्यांना स्वीकारलं.
दादा आज कॅबिनेटलाही नव्हते तुमच्या या कार्यक्रमालाही नव्हते? यावर फडणवीस म्हणाले, "दादांचं माझं, परवाच आमची भेटही झाली. तुम्हाला माहिती आहे ज्या दिवशी आपलं व्होटिंग झालं, त्या दिवशीही दादा माझ्याकडे येऊन गेले. रात्री सगळे आम्ही बसलो होतो. त्यामुळे त्या दिवशीच त्यांनी सांगितलं होतं की, माझ्याकडे राज्यपालसाहेब येणार आहेत त्यामुळे मी कॅबिनेटला आणि कार्यक्रमाला येऊ शकणार नाही."
यावेळी, मुख्यमंत्री फडणवीस यांनी पुणे आणि पिंपरी-चिंचवडमधील सर्व नेतेमंडळी आणि कार्यकर्त्यांचे अभिनंदनही केले.
Web Summary : CM Fadnavis thanked Pune and Pimpri-Chinchwad for BJP's landslide victory. He credited the win to faith in Modi, BJP, and its leaders. Fadnavis dismissed claims of Ajit Pawar's rejection, stating Pune embraced BJP's vision. He also clarified Pawar's cabinet absence due to prior commitments.
Web Summary : सीएम फडणवीस ने पुणे और पिंपरी-चिंचवड को भाजपा की प्रचंड जीत के लिए धन्यवाद दिया। उन्होंने जीत का श्रेय मोदी, भाजपा और उसके नेताओं में विश्वास को दिया। फडणवीस ने अजित पवार को नकारने के दावों को खारिज करते हुए कहा कि पुणे ने भाजपा के दृष्टिकोण को अपनाया। उन्होंने पवार की कैबिनेट में अनुपस्थिति का कारण भी स्पष्ट किया।