पुणे : घराजवळ राहणाऱ्या एका ८ वर्षांच्या चिमुरड्यावर गेल्या दोन महिन्यांपासून सातत्याने अनैसर्गिक अत्याचार केला जात असल्याचा धक्कादायक प्रकार समोर आला आहे. या प्रकरणी दत्तवाडी पोलिसांनी तिघांना अटक केली आहे.
संतोष उर्फ पक्या प्रकाश शिंदे (वय २१), किरण सुरेश सावंत (वय २५) आणि हेमंत उर्फ हेम्या महेश माळवे (वय १९, तिघे रा.पर्वती दर्शन) अशी अटक केलेल्यांची नावे आहेत. हा प्रकार मागील दोन महिन्यांपासून सुरू होता. याबाबत पीडित मुलाच्या वडिलांनी दत्तवाडी पोलिस ठाण्यात फिर्याद दिली आहे.
संतोष शिंदे याने फिर्यादी यांच्या ८ वर्षांच्या मुलाला गुटखा आणायला सांगून घरी बाेलावले. तेथे असलेल्या हेमंत माळवे आणि किरण सावंत यांनी मुलाला अश्लील व्हिडीओ दाखविले. त्यानंतर, दोघांनी आळीपाळीने त्याच्यावर अनैसर्गिक अत्याचार केला. त्याचा हेमंत याने व्हिडीओ काढला. तो तुझ्या नातेवाइकांना पाठविण्याची धमकी देऊन गेल्या दाेन महिन्यांपासून त्याच्यावर वारंवार अत्याचार केले जात हाेते. अखेर त्याला त्रास हाेऊ लागल्याने त्याने ही बाब आईला सांगितली. त्यातून हा प्रकार उघड झाला.