पुणे : वेश्या व्यवसाय सुरू असल्याची माहिती मिळाल्यानंतरही त्या ठिकाणी वेळेत न पोहोचता दुर्लक्ष केल्याप्रकरणी हडपसर पोलिस ठाण्यातील दोन पोलिस कर्मचाऱ्यांना मंगळवारी (दि. २८) निलंबित करण्यात आले. गुन्हे शाखेचे पोलिस उपायुक्त निखिल पिंगळे यांनी याबाबतचे आदेश दिले. मुकुंद जयराम शिंदे आणि विजय हरिभाऊ पोटे अशी निलंबित केलेल्या पोलिस कर्मचाऱ्यांची नावे आहेत.
दोघेही हडपसर पोलीस ठाण्याच्या हद्दीत बीट मार्शल म्हणून कार्यरत होते. या परिसरात देहविक्रीचा व्यवसाय सुरू असल्याची माहिती शनिवारी (दि. २५) रात्री साडेअकराच्या सुमारास नियंत्रण कक्षाला मिळाली. त्यावेळी हे दोघे ड्युटीवर होते. मात्र, कॉल आल्यानंतरही त्यांनी तत्काळ घटनास्थळी पोहोचून तपासणी केली नाही. संबंधित कॉलचे गांभीर्य ओळखून आवश्यक ती कारवाई केली नसल्याचे स्पष्ट झाले. त्याबाबत चौकशीत दोघेही दोषी असल्याचे आढळले. त्यामुळे, यासंदर्भात आवश्यक ती कारवाई न केल्याने पोलिस दलाची प्रतिमा मलीन झाल्याचे आदेशात नमूद करण्यात आले आहे. तसेच, दोन्ही कर्मचाऱ्यांनी त्याबाबत वरिष्ठ अधिकाऱ्यांनाही माहिती दिली नाही. कर्मचाऱ्यांच्या या निष्काळजीपणाबाबत दोघांनाही निलंबित करण्यात आले.
Web Summary : Two Pune police officers were suspended for neglecting a prostitution complaint. Despite receiving information about the ongoing activity, they failed to promptly investigate, damaging the police force's reputation. The officers also didn't inform senior officials, leading to their suspension by the Deputy Commissioner of Police, Crime Branch.
Web Summary : पुणे में वेश्यावृत्ति की शिकायत पर लापरवाही बरतने पर दो पुलिसकर्मियों को निलंबित कर दिया गया। सूचना मिलने के बावजूद, उन्होंने तुरंत जांच नहीं की, जिससे पुलिस बल की प्रतिष्ठा को नुकसान पहुंचा। अधिकारियों को सूचित न करने पर अपराध शाखा के उपायुक्त ने निलंबन का आदेश दिया।