पुणे : पुणे नगर रस्त्यावर भीषण अपघात झाला असून वाळूचा ट्रक थेट कारवर पलटी झाला आहे. कारचा पूर्णपणे चुराडा झाला असून रस्त्यावर पूर्णपणे वाळू पसरली आहे. सुदैवाने कोणतीही जीवितहानी झाली नाही. रस्त्यावर वाहतूक कोंडी झाली असून पोलीस ते हटवण्याचे काम करत आहेत.
पोलिसांनी दिलेल्या माहितीनुसार, रस्त्याच्या एका गल्लीतून चारचाकी बाहेर येत होती. त्यावेळी नगर रस्त्यावरून येणारा वाळूने भरलेला डंपर आला. तो वळण घेत असताना चालकाला नियंत्रण न राहिल्याने गल्लीतून येणाऱ्या चारचाकीवर पडला. अनियंत्रित झालेला ट्रक येताना पाहून चारचाकीतील नागरिक तातडीने बाहेर पडले, यामध्ये ते किरकोळ जखमी झाल्याचे पोलिसांची सांगितले आहे. पुढील तपास वाघोली पोलीस करत आहेत.