पुणे : सभांमध्ये उद्धव ठाकरेंवर गंभीर टीका करणाऱ्या सुषमा अंधारे उद्या शिवसेनेत जाहीर प्रवेश करणार आहेत. उद्धव ठाकरे यांच्या उपस्थित हा प्रवेश होणार आहे. सुषमा अंधारे यांनी राष्ट्रवादी पक्षात होत्या. काही दिवसापूर्वी अंधारे यांनी मातोश्रीवर उद्धव ठाकरे आणि रश्मी ठाकरे यांची भेट घेतली होती. अंधारे यांच्यामुळे पुण्यात शिवसेनेला मिळणार आक्रमक चेहरा मिळणार असल्याच्या चर्चा राजकीय वर्तुळात रंगू लागल्या आहेत.
सुषमा अंधारे शिवसेनेत प्रवेश करणार असल्याच्या घोषणेनंतर त्यांनी शिवसेना पक्ष प्रमुख उद्धव ठाकरेंच्या विरोधात केलेली भाषणे पुन्हा एकदा चर्चेत आली आहेत. त्यांनी या भाषणांमध्ये उद्धव ठाकरेंवर अत्यंत गंभीर टीका केल्या आहेत. 2019 च्या विधानसभा निवडणुकीवेळी राष्ट्रवादीच्या प्रचार सभांमध्ये अंधारे यांनी उद्धव ठाकरेंसह आदित्य ठाकरेंवरही सातत्याने निशाणा साधला होता.
शिवसेनेला आंबेडकरी चळवळीतला नवा चेहरा मिळणार
फुले-आंबेडकर चळवळीतील कार्यकर्त्या आणि प्रसिद्ध वक्त्या सुषमा अंधारे या शिवसेनेत जाहीर प्रवेश करणार आहेत. त्यांच्या माध्यमातून शिवसेनेला आंबेडकरी चळवळीतला नवा चेहरा मिळणार आहे. शिवसेना-भाजप युती तुटल्यानंतर रामदास आठवले भाजपबरोबर गेले. मात्र, आता पुन्हा एकदा अंधारे यांच्या शिवसेना प्रवेशामुळे शिव शक्ती – भिम शक्ती असा नारा ऐकायला मिळणार आहे.