शहरं
Join us  
Trending Stories
1
Video - अमेरिकेत मोठी दुर्घटना टळली! टेकऑफ दरम्यान लँडिंग गियरला आग, विमानात होते १७९ जण
2
ती तरुणी ओळखीच्या दुकानदारासोबत एक रात्र होती; लोणावळ्यात तिघांनी अत्याचार करून कारमधून फेकल्याच्या घटनेवर मोठा खुलासा
3
‘धनुष्यबाण-घड्याळ’ वाटपात कौशल्य; महायुतीच्या कामी आल्याचे राहुल नार्वेकरांना बक्षीस मिळणार!
4
हायव्होल्टेज ड्रामा! पोराला घेऊन बॉयफ्रेंडच्या घरी गर्लफ्रेंड; बायको म्हणते "माझा नवरा असा नाही, हीच..."
5
भयंकर! अचानक लिफ्ट बंद पडली, आवाज देण्यासाठी डोकं बाहेर काढताच...; व्यावसायिकाचा मृत्यू
6
पंतप्रधान नरेंद्र मोदीच पुन्हा जगात नंबर वन! सर्वाधिक लोकप्रिय लोकशाही नेत्यांमध्ये अव्वल
7
साप्ताहिक राशीभविष्य: ११ राशींना शुभ, चौफेर दुप्पट लाभ; सुबत्ता-भरभराट, ऑगस्टची सुरुवात ऑसम!
8
आजचे राशीभविष्य २७ जुलै २०२५ : नवीन कार्यारंभ करण्यास अनुकूल, कसा जाईल आजचा रविवार...
9
राजकीय हस्तक्षेपामुळे राज्याचे उद्योगविश्व त्रस्त; विकासकामांना करतात विरोध, दादागिरीही वाढली
10
मंत्रिमंडळात फेरबदल होण्याची शक्यता नाही! निर्णय फक्त कृषिमंत्री माणिकराव कोकाटेंबाबतच
11
ऑपरेशन सिंदूरवर संसदेच्या दोन्ही सभागृहांत विशेष चर्चा; शिष्टमंडळातील खासदारही सहभागी होणार
12
पंतप्रधान नरेंद्र मोदी यांच्याशी चर्चा करण्यासाठी मालदीवच्या नेत्यांची लगबग, भेटी अन् चर्चा
13
सूतगिरण्यांच्या अर्थसाहाय्याबाबत आता समान निकष; मुख्यमंत्री देवेंद्र फडणवीसांचे निर्देश
14
अनिल अंबानी यांच्यावर सलग तिसऱ्या दिवशी ईडीचे छापे; विविध कार्यालयांतून कागदपत्रे जप्त
15
विजयदिनी शहीद जवानांच्या शौर्याला सलामी; कारगिलमध्ये २६ जुलै १९९९ रोजी फडकावला तिरंगा
16
दहशतवादी प्रकरणांतील फरारी गुन्हेगारांना परत आणण्यासाठी उपाययोजना करा: अमित शाह
17
‘निसार’ मोहीम पृथ्वी निरीक्षण क्षेत्रात आणणार क्रांती: इस्रो; उपग्रहाची वैशिष्ट्ये काय?
18
शाळेतील सुरक्षा उपायांचे ऑडिट आता अनिवार्य; केंद्र सरकारने सर्व राज्य सरकारांना दिले आदेश
19
वादग्रस्त न्यायाधीश यशवंत वर्मांप्रकरणी सर्वोच्च न्यायालयात उद्या सुनावणी
20
थायलंड-कंबोडिया संघर्षात ३३ ठार, हजारो विस्थापित; पुरातन मंदिरावरून पेटला संघर्ष

गावाला वाकडेवाडीहून जायचे का? शिवाजीनगर ST स्टँडच्या कायमस्वरूपी स्थलांतरास पुणेकरांचा तीव्र विरोध

By राजू इनामदार | Updated: October 11, 2022 19:01 IST

एसटी स्थानक बांधण्यास महामंडळाकडून विलंब होत असल्याने हे जुने स्थानक इतिहासजमा होण्याची चिन्हे

पुणे : शहराच्या मध्यवर्ती ठिकाणी असलेले, प्रवाशांना सोयीचे ठरणारे शिवाजीनगर एसटी स्थानक कायमस्वरूपी वाकडेवाडीला ठेवण्यास पुणेकरांचा तीव्र विरोध आहे. महामेट्रोच्या या जागेवरचे भुयारी स्थानकाचे काम पूर्ण झाल्यानंतर वरील जागेवर पूर्वीप्रमाणेच एसटी स्थानक बांधण्यास महामंडळाकडून विलंब होत असल्याने हे जुने स्थानक इतिहासजमा होण्याची चिन्हे आहेत.

दरम्यान, आता तर वाकडेवाडी स्थानकाच्या जागेसंदर्भातही या जागेचा करार संपल्याने प्रश्नचिन्ह उभे राहिले आहे. महामंडळ वापरत असलेल्या या जागेचे भाडे महामेट्रो जमा करत आहे. करारात तसेच नमूद करण्यात आले होते. महामंडळ व महामेट्रो यांच्यातील हा सामंजस्य करार १० सप्टेंबरला संपला. तत्पूर्वीच महामेट्रोने वाकडेवाडीच्या जागेचा करार संपल्याचे पत्र महामंडळाला दिले. ही जागा सरकारच्याच एका विभागाची आहे; मात्र तरीही या जागेचे भाडे महामेट्रोला द्यावे लागत आहे. आता करार संपल्यावर भाडे कोणी जमा करायचे असा प्रश्न निर्माण झाला आहे.

महामंडळाच्या अधिकाऱ्यांनी वरिष्ठ कार्यालयाला करार संपला असे कळवले आहे. याचा निर्णय मंत्रिस्तरावर राज्य सरकारच्या माध्यमातून होईल. सरकारने वाकडेवाडीची जागा महामंडळाला सध्याचे स्थानक तिथेच कायमस्वरूपी करण्यासाठी द्यावी अशी मागणी महामंडळाकडून केली जात आहे. महामेट्रोने करार संपल्याचे सांगितल्यानंतर एसटी महामंडळाला त्या जागेचे भाडे संबंधित खात्याकडे जमा करणे शक्य नाही. त्यामुळे ही जागा विनामोबदला द्यावी अशी मागणी करण्याचा विचार महामंडळ स्तरावर सुरू असल्याची माहिती मिळाली.

शिवाजीनगर स्थानकाची जागा महामंडळाच्या मालकीची आहे. त्याच जागेखाली महामेट्रोचे शिवाजीनगर भुयारी स्थानक आहे. त्याच्या कामासाठी म्हणून महामेट्रोने ही जागा घेतली होती. त्यावेळी एसटी महामंडळ व महामेट्रो यांच्यात करार झाला होता. त्यानुसार भुयारी मार्गाचे काम होईपर्यंत स्थानक वाकडेवाडीला स्थलांतरित केले जाईल. भुयारी मार्गाचे काम झाल्यानंतर वरील जागेवर पूर्वीप्रमाणेच शिवाजीनगर एसटी स्थानक नव्याने बांधण्यात येईल. ते काम महामेट्रो करून देईल.दरम्यानच्या काळात महामंडळाकडून या जागेवर व्यापारी संकुल बांधण्याचा विचार सुरू झाला. त्यामुळे जुन्या जागेवर एसटी स्थानक बांधण्याबाबत काहीच हालचाल होत नाही. शहराच्या मध्यवर्ती भागात मोठी बसस्थानके नकोत असे धोरण राज्य सरकारने घेतले. त्यानुसार आता एसटी स्थानक वाकडेवाडीतच ठेवण्याचा विचार वरिष्ठ स्तरावर सुरू असल्याची माहिती मिळाली.

''वास्तविक करारानुसार आता महामेट्रोने महामंडळाला जुन्या जागेवर पूर्वी होते तसे एसटी स्थानक बांधून द्यावे. त्याच्यावर व्यापारी संकुल बांधायचे की आणखी काही याचा निर्णय महामंडळ व राज्य सरकार घेईल. स्थानकाची जागा महामंडळाची आहे. याबाबत बोलणी सुरू आहेत. - विद्या भिलारकर, डेप्युटी जनरल मॅनेजर, (सिव्हिल). एस.टी महामंडळ''

''मुंबईहून कोणी वाकडेवाडीला आले व त्यांना तिथे उतरून कोथरुडला जायचे असेल तर या दोन्ही प्रवास तिकीट भाडे सारखेच असून पुण्यातील रिक्षा महाग आहे. स्थानक आहे तिथेच ठेवावे. वाकडेवाडीला हवे तर दुसरे स्थानक करावे. नफ्यासाठी प्रवाशांना वेठीस धरू नये - विलास लेले, अध्यक्ष ग्राहक पंचायत पुणे विभाग''

''पूर्वी होते तिथेच स्थानक बांधावे. परगावी जायचे असेल तर वाकडेवाडीला एसटीसाठी जाणे हेच एका गावाला गेल्यासारखे होते. त्याशिवाय तिथून पुणे शहरात येणेही त्रासदायक आहे. त्यामुळे या निर्णयाला आमचा विरोध आहे. - प्रा. सतीश मेहता, सदस्य, पीएमपीएल प्रवासी संंघ'' 

टॅग्स :shivaji nagar bus depotशिवाजी नगर बसस्थानकPuneपुणेSocialसामाजिकpassengerप्रवासीMetroमेट्रो