पिंपरी-चिंचवडमध्ये एक धक्कादायक घटना घडली आहे. रिक्षातून प्रवास करणाऱ्या महिलेकडे पाहून सहप्रवाशाने अश्लील कृत्य केल्याचा प्रकार समोर आला असून पोलिसांनी आरोपीला अटक केली आहे.
शनिवारी सकाळी ही घटना घडली. महिला आपल्या लहान मुलाला उपचारासाठी वायसीएम रुग्णालयात रिक्षातून घेऊन जात असताना हा प्रकार घडला. याबाबत सोहेब इक्बाल कुरेशी वय ३० याला अटक करण्यात आली आहे.
पोलिसांनी दिलेली माहितीनुसार, महिला मोरवाडी येथून शेअरिंग रिक्षातून आपल्या लहान मुलाला वायसीएम रुग्णालयात उपचारासाठी घेऊन जात होती. त्यावेळी रिक्षात बसलेली व्यक्ती आपल्याकडे बघून अश्लील कृत्य करत असल्याचं महिलेच्या लक्षात आलं. त्यानंतर रिक्षा वायसीएम रुग्णालयाजवळ पोहोचताच महिला रिक्षातून उतरली. ‘रिक्षातून उतरताच महिलेने तातडीने रुग्णालयाच्या आवारात असलेल्या पोलिस चौकीत धाव घेतली आणि पोलिसांना आरोपीबाबत सतर्क केलं. लगेच स्थानिकांच्या मदतीने आरोपी कुरेशी याला अटक करण्यात आली.