शहरं
Join us  
Trending Stories
1
मराठी मुलीच्या वडिलांना, काकांना दहशतवाद्यांनी नाव विचारून डोळ्यांदेखत गोळ्या घातल्या- एकनाथ शिंदे
2
जम्मू-काश्मीरमध्ये हिंदूंचे टार्गेट किलिंग; नाव विचारुन झाडल्या गोळ्या, 27 जणांच्या मृत्यूची भीती
3
महाराष्ट्रातल्या दोन पर्यटकांचा पहलगाम हल्ल्यात मृत्यू; पर्यटक जखमी असल्याची CM फडणवीसांची माहिती
4
"सरकारला धन्यवाद, पण पुन्हा एकदा सांगतो..."; हिंदी सक्तीच्या माघारीनंतर राज ठाकरेंचे ट्विट
5
पहलगाममध्ये टीआरएफने घडवला नरसंहार; दहशतवादी संघटनेने पत्र जारी करुन सांगितले कारण
6
'दोषींना सोडणार नाही, कठोर शिक्षा...', पहलगाम दहशतवादी हल्ल्यावर PM मोदींची तीव्र प्रतिक्रिया
7
‘यूपीएससी’त प्रज्ञाचक्षू विद्यार्थ्यांमध्ये मनू गर्ग देशात अव्वल
8
बजाजच्या या शेअरनं दिला 22000% हून अधिकचा परतावा, गुंतवणूकदारांना केलं मालामाल; आता...!
9
पहलगाम हल्ल्यानंतर पंतप्रधान मोदींचा गृहमंत्र्यांना फोन; अमित शाहांना जम्मू-काश्मीरला जाण्याची सूचना
10
'हा' अमित मिश्रा वेगळा... कौटुंबिक हिंसाचाराचे आरोप झालेला क्रिकेटर नेमका कोण? जाणून घ्या...
11
"...तर भविष्यात भयानक परिस्थिती निर्माण होण्याची शक्यता होती"; 'वक्फ'बाबत किरण रिजिजूंचे वक्तव्य
12
फक्त मराठीच अनिवार्य, हिंदी सक्तीवर सरकारचे एक पाऊल मागे; नवीन आदेश काढणार
13
तुम्हाला वारंवार तहान लागते, पाणी प्यायल्यावरही घसा कोरडा होतो? 'या' गंभीर आजारांचे संकेत
14
मत्स्य व्यवसायाला कृषी क्षेत्रासारखाच दर्जा; मंत्रिमंडळ बैठकीत अनेक महत्त्वपूर्ण निर्णय
15
बँकेने गुन्हा दाखल केल्याने त्याची सटकली, साथीदारांना सोबत घेत अख्खी बँकच पेटवली
16
UPSC पास झाल्यानंतर उमेदवारांना पहिला पगार कधी आणि किती मिळतो? पाहा...
17
"मुस्लीम राजेशाही असो अथवा लोकशाही, वक्फ सर्वत्र...;" सौदीत पोहोचलेल्या PM मोदींवर ओवेसींचा निशाणा
18
Jammu and Kashmir : दहशतवाद्यांनी पर्यटकांना आधी विचारला 'हा' प्रश्न अन् सुरू केला गोळीबार, नेमकं काय घडलं?
19
दहशतवाद्यांनी आधी धर्म विचारला, नंतर झाडल्या गोळ्या, पहलगाम हल्ल्यातील जखमींचा धक्कादायक दावा   
20
'नरेंद्र मोदी जगातील सर्वात लोकप्रिय नेते', जेडी व्हेन्स यांनी केले पंतप्रधानांचे कौतुक...

अनंत थोपटेंना भेटले अन् अजित पवारांवर बरसले; शिवतारे जे-जे बोलले ते सगळं रेकॉर्ड झालं!

By ऑनलाइन लोकमत | Updated: March 20, 2024 14:24 IST

विजय शिवतारे यांनी भोरमधील काँग्रेसचे ज्येष्ठ नेते आणि माजी मंत्री अनंत थोपटे यांची भेट घेत त्यांना साद घातली आहे.

Shivsena Vijay Shivtare ( Marathi News ) :बारामती लोकसभा मतदारसंघात यंदाची निवडणूक तिरंगी होण्याची शक्यता आहे. महाविकास आघाडीकडून राष्ट्रवादी शरदचंद्र पवार पक्षाच्या खासदार सुप्रिया सुळे या पुन्हा निवडणूक रिंगणात उतरल्या असून त्यांच्याविरोधात महायुतीकडून उपमुख्यमंत्री अजित पवार यांच्या पत्नी सुनेत्रा पवार या निवडणूक लढण्याची शक्यता आहे. तसंच महायुतीतील घटकपक्ष असलेल्या शिवसेनेचे नेते आणि माजी मंत्री विजय शिवतारे हे बंडखोरी करत अपक्ष निवडणूक लढवण्याच्या तयारीत आहेत. त्यामुळे बारामतीची लढत चुरशीची होणार असून मतदार आणि स्थानिक नेत्यांना आपल्याकडे खेचण्यासाठी सर्वच इच्छुक उमेदवारांकडून प्रयत्न सुरू आहेत. याचाच एक भाग म्हणून आज विजय शिवतारे यांनी भोरमधील काँग्रेसचे ज्येष्ठ नेते आणि माजी मंत्री अनंत थोपटे यांची भेट घेत त्यांना साद घातली आहे. तसंच यावेळी थोपटे यांच्याशी चर्चा करताना शिवतारेंनी अजित पवारांवर घणाघाती टीका केली आहे.

अनंत थोपटे यांच्याशी बोलताना विजय शिवतारे म्हणाले की, "अजित पवार यांची मानसिकता खराब आहे. या मानसिकतेच्या विरोधात आपली लढाई आहे. बारामती लोकसभा मतदारसंघात ६ लाख ८६ मतदार पवारांच्या बाजूने आहेत आणि ५ लाख ५० हजार मतं पवारविरोधी आहेत. या पवारविरोधी मतदारांना आपण मतदानाची संधी द्यायला हवी. मी तर यावेळी निकालच लावणार आहे. लोकांनी साथ देऊन जर लोकं तर ताकदीने उतरले आणि त्यांनी बदल घडवला तर चांगली गोष्ट आहे," अशा शब्दांत विजय शिवतारे यांनी आपली भूमिका मांडली. 

"पुरंदरमध्ये काय स्थिती आहे?" असा प्रश्न चर्चेवेळी अनंत थोपटे यांनी विचारला. त्यावर बोलताना विजय शिवतारे यांनी म्हटलं की, "पुरंदर एकहाती चालेल. कारण लोकं त्यांच्यावर चिडून आहेत. २०१९ मध्ये मला काय बोलले अजित पवार? तुझा आवाका किती, तू बोलतो कोणासोबत, तू कसा निवडून येतो हे बघतो, अशी भाषा त्यांनी वापरली. त्यांच्यात प्रचंड गुरमी आहे. मी त्यांना माफ केलं, पण लोकं नाहीत माफ करणार. बापू आम्ही नोटाला मतदान करू, पण अजित पवारांना मतदान करणार नाही, असं पुरंदर, दौंड, इंदापूरची लोकं सांगत आहेत. आता काय व्हायचं ते होईल, ते मला फाशी देतील, गोळ्या घालतील, त्यांना काय करायचं ते करू द्या. यावेळी आपले आशीर्वाद असावेत, अशी मला अपेक्षा आहे,"  असं शिवतारे म्हणाले.

शिवतारेंच्या भेटीनंतर काय म्हणाले अनंत थोपटे?

विजय शिवतारे यांनी भेट घेत आशीर्वाद मागितल्यानंतर प्रसारमाध्यमांनी अनंत थोपटे यांनाही प्रतिक्रिया विचारली. त्यावर थोपटे यांनी अद्याप आपण निर्णय घेतला नसल्याचं सांगितलं. "शरद पवार शेवटपर्यंत माझ्या विरोधात होते. त्यावेळी दिल्ली माझ्यासोबत होती तरी देखील माझा पराभव झाला. तेव्हा माझा पराभव कसा झाला हे सर्वांनाच माहीत आहे. तरीदेखील मी शेवटपर्यंत काँग्रेस सोडली नाही. काही दिवसांपूर्वी शरद पवार मला भेटून गेले. त्यावेळी जुन्या आठवणी जागा झाल्या. बारामती लोकसभा निवडणुकीच्या रिंगणात आता शरद पवारांची मुलगी आणि अजित पवारांची पत्नी निवडणूक लढवत आहे. त्यांच्या विरोधात शिवतारे उभे आहेत. त्यामुळे कुणाला पाठिंबा द्यायचा याबद्दल अद्याप विचार केला नाही. विचार करून याबद्दल निर्णय घेणार आहे," असं अनंत थोपटे यांनी सांगितलं आहे.

टॅग्स :Vijay Shivtareविजय शिवतारेAjit Pawarअजित पवारbaramati-pcबारामतीNCPराष्ट्रवादी काँग्रेस