अजित पवारांच्या निधनाने महाराष्ट्राचे राजकारण बदलले आहे. राज्यातील समीकरणे बदलण्याची चर्चा कालपासूनच सुरू झाली आहे. त्यादृष्टीने महत्त्वाच्या घडामोडीही घडत आहेत. अशात पुतण्या अजित पवार यांच्या निधनाच्या दुःखातून सावरत शरद पवारही कामाला लागले आहेत.
अजित पवारांच्या निधनानंतर हळवे शरद पवार राज्याला दिसले. तीन दिवसांच्या शोकानंतर शरद पवारांनी स्वतःला सावरल्याचे दिसले. शरद पवारांनी शुक्रवारी बाहेर पडत पाहणी केली. शरद पवार बारामतीमधून वाहणाऱ्या नीरा नदीच्या पाहणीसाठी गेले.
बारामती शेजारील नीरा वाघज गावाजवळून नीरा नदी वाहते. नदीत प्रदूषण वाढले आहेत. याबद्दल शरद पवारांना माहिती मिळाली. त्यानंतर त्यांनी थेट तिथे जाऊन पाहणी केली. शरद पवारांनी स्थानिकांकडून या संदर्भातील माहिती घेतली. त्यांच्या तक्रारी समजून घेतल्या.
नीरा नदीच्या पात्रात खासगी कारखान्यांतून दूषित आणि रासायनिक प्रक्रिया झालेले पाणी सोडले जात होते. त्यामुळे मोठ्या संख्येने मासे मृत्युमुखी पडले होते. या प्रकरणात अजित पवारांनी लक्ष घातले होते आणि त्यावर उपाय योजना करण्यास सांगितले होते. अजित पवार यांच्या निधनानंतर पहिल्यांदाच या प्रकरणात आता शरद पवारांनी लक्ष घातले आहे.
Web Summary : Mourning Ajit Pawar's death, Sharad Pawar resumed work, inspecting the polluted Nira River near Baramati. He gathered information from locals regarding factory discharge and fish deaths, a problem previously addressed by Ajit Pawar.
Web Summary : अजित पवार के निधन पर शोक व्यक्त करते हुए, शरद पवार ने बारामती के पास प्रदूषित नीरा नदी का निरीक्षण करके काम फिर से शुरू किया। उन्होंने स्थानीय लोगों से कारखाने के निर्वहन और मछली की मौत के बारे में जानकारी एकत्र की, एक समस्या जिसे पहले अजित पवार ने संबोधित किया था।