पुणे : पश्चिम रेल्वेतीलमुंबई विभागाच्या उधना रेल्वेस्थानकावर सुरू असलेल्या यार्ड रिमोल्डिंगच्या कामामुळे ५ मार्चला काही रेल्वेच्या मार्गात बदल करण्यात आला आहे.
पुण्याहून सुटणारी रेल्वे नं. १२४९३ पुणे- हजरत निझामुद्दीन एक्स्प्रेस पुणे- मनमाड- भुसावळ- इटारसी- भोपाळ- आग्रा कँटमार्गे ५ मार्च रोजी धावणार आहे. तसेच रेल्वे नं. १२९३९ पुणे- जयपूर एक्स्प्रेसदेखील पुणे- मनमाड- भुसावळ- इटारसी- भोपाळ- नागदा सवाई माधोपूरमार्गे धावेल.
यासह रेल्वे नं. ११०९० पुणे- भगत की कोठी एक्स्प्रेस देखील मनमाड- खांडवा- इटारसी- भोपाळ- रतलाम- चित्तोडगढ- अजमेरमार्गे धावेल. तसेच ४ मार्च रोजी रवाना होणारी रेल्वे नं. २२१९३ दौंड- ग्वालियार एक्स्प्रेसदेखील मनमाड- भुसावळ- इटारसी- भोपाळ- बीना- गुना या परिवर्तित मार्गाने धावणार आहे.