देऊळगावराजे : हिंगणीबेर्डी (ता. दौंड) च्या पूर्व भागात दिवसेंदिवस नागरी वस्ती तसेच पाळीव जनावरांवर बिबट्यांचे हल्ले वाढत असल्याने येथे मागील पाच दिवसांपूर्वी बिबट्या पकडण्यासाठी पिंजरा लावण्यात आला होता. आज पहाटेच्या सुमारास पिंजऱ्यातील शिकार टिपण्यासाठी आलेल्या बिबट्याला वन विभागाला यशस्वीरित्या जेरबंद करण्यात आले.
दौंड तालुक्याच्या पूर्व भागातील काही गावांमध्ये बिबट्याचा वावर वाढत असून शेतातील गोट्यांमधील जनावरांवर बिबट्यांचे हल्ले होत आहेत. यामध्ये हिंगणीबेर्डी येथील हनुमंत छबुराव गोधडे यांच्या शेतातील गोठ्यातील शेळी बिबट्याने ठार केली होती. बोरीबेल येथील शेतकरी बाळकृष्ण पाचपुते यांच्या गायीचे वासरुही बिबट्याच्या शिकार झाले होते. तसेच, परिसरातील शेतकऱ्यांच्या शेतात बिबट्याचे ठसे दिसून आले आहेत. आज हिंगणीबेर्डी येथील शेतकरी हनुमंत गोधडे यांच्या शेताजवळ वन विभागाने लावलेल्या पिंजऱ्यामध्ये बिबट्या पकडण्यात आला आहे.
हिंगणीबेर्डी, शिरापूर, आलेगाव, मलठण आणि बोरिबेल परिसरात शेतकऱ्यांना बिबटे दिसल्यामुळे नागरिकांमध्ये भीतीचे वातावरण निर्माण झाले आहे. शेती कामाला मजूर येण्यास नकार देत आहेत. नागरिक आणि शेतकरी बिबट्याच्या भीतीने सायंकाळी लवकर घराकडे परतत आहेत. हिंगणीबेर्डी येथील बिबट्या जेरबंद करण्यासाठी तालुका वनपरिक्षेत्राधिकारी राहुल काळे, वनरक्षक शुभांगी मुंडे, गोकूळ गवळी, शरद शितोळे, बाळू अडसूळ यांसह इतर कर्मचारी उपस्थित होते.
Web Summary : After increased leopard attacks on livestock and human settlements in Hingniberdi, the forest department successfully captured a leopard in a cage. The big cat had been preying on animals in the area, creating fear among residents. Forest officials are relieved to have secured the area.
Web Summary : हिंगणीबेर्डी में पालतू जानवरों और मानव बस्तियों पर तेंदुए के हमलों के बाद, वन विभाग ने एक तेंदुए को पिंजरे में सफलतापूर्वक पकड़ लिया। यह तेंदुआ इलाके में जानवरों का शिकार कर रहा था, जिससे निवासियों में डर का माहौल था। वन अधिकारी क्षेत्र को सुरक्षित करने से राहत महसूस कर रहे हैं।