Pune MHADA Lottery Result 2025 Winners List: म्हाडाच्या पुणे मंडळाच्या घरांसाठी अर्ज केलेल्या हजारो अर्जदारांची प्रतीक्षा अखेर संपली आहे. विविध तांत्रिक अडचणी आणि आचारसंहितेमुळे रखडलेली ४,१८६ घरांची सोडत आज (मंगळवार, १० फेब्रुवारी) दुपारी १२ वाजता जाहीर करण्यात आली. या सोडतीसाठी तब्बल दोन लाख १५ हजारांहून अधिक अर्जदार नशीब अजमावत असून काही तासांतच ४,१८६ नशीबवान विजेत्यांची नावे स्पष्ट होतील.
पुणे मंडळाने दिलेल्या माहितीनुसार, आज दुपारी १२ वाजता पुणे जिल्हा परिषदेच्या शरदचंद्र पवार सभागृहात हा सोडतीचा कार्यक्रम सुरू झाला. पुणे मंडळाचे सभापती शिवाजीराव आढळराव पाटील यांच्या हस्ते ही सोडत काढण्यात आली. तर, म्हाडाचे उपाध्यक्ष संजीव जयस्वाल यांनी व्हिडिओ कॉन्फरन्सिंगद्वारे या सोहळ्याला उपस्थिती दर्शवली. पुणे मंडळाने २० टक्के सर्वसमावेशक योजनेंतर्गत ३,३२२ घरे आणि १५ टक्के एकात्मिक योजनेंतर्गत ८६४ घरे उपलब्ध करून दिली आहेत. या एकूण ४,१८६ घरांसाठी सुमारे २ लाख १५ हजार अर्जदारांनी अनामत रक्कम जमा करून सहभाग नोंदवला आहे.
या घरांची जाहिरात सप्टेंबर २०२५ मध्ये प्रसिद्ध करण्यात आली होती. मात्र, तांत्रिक बिघाड, अर्जांची छाननी करण्यास झालेला विलंब आणि त्यानंतर लागलेली जिल्हा परिषदेची आचारसंहिता यामुळे ही सोडत वारंवार लांबणीवर पडली. यामुळे संतप्त झालेल्या अर्जदारांनी मोर्चाही काढला होता. अखेर आचारसंहिता संपताच १० फेब्रुवारी ही तारीख निश्चित करण्यात आली.
पुणे म्हाडा निकाल कुठे आणि कसा पाहायचा?
लाईव्ह प्रेक्षपण: घराबाहेरून निकाल पाहण्यासाठी म्हाडाच्या अधिकृत यूट्यूबवर भेट द्या किंवा इथे पहा लाईव्ह
वेबसाइट: सोडतीनंतर काही तासांनी https://housing.mhada.gov.in या वेबसाईटवर विजेत्यांची यादी प्रसिद्ध केली जाईल.
मोबाईल: ज्यांची लॉटरी लागली आहे, अशा विजेत्यांना काही मिनिटांतच त्यांच्या नोंदणीकृत मोबाईल नंबरवर एसएमएसद्वारे निकाल कळवला जाईल.
थेट उपस्थिती: अर्जदार स्वतः कार्यक्रमस्थळी जाऊनही निकाल पाहू शकतात.
पुणे म्हाडाच्या विजेत्यांची यादी कशी पाहाल? How to Check Pune MHADA Lottery Winners List 2025
१. सर्वात आधी म्हाडाच्या अधिकृत पोर्टलवर mhada.gov.in/mr जा.
२. 'Quick Links' शोधा: मुख्यपृष्ठावर (Homepage) तुम्हाला 'Quick Links' हा विभाग दिसेल, त्यावर क्लिक करा.
३. तिथे तुम्हाला "पुणे मंडळ गृहनिर्माण सोडत २०२५ दिनांक १०-०२-२०२६ रोजीचा निकाल पाहण्यासाठी येथे क्लिक करा" अशी लिंक दिसेल, त्यावर क्लिक करा.
४. निकाल फाइल डाउनलोड करा: येथे तुम्हाला विजेत्यांची (Winners List) आणि प्रतीक्षा यादी (Waitlist) अशा PDF फाइल्स दिसतील. तुमच्या योजनेनुसार फाइल डाउनलोड करा.
५. नाव तपासा: PDF मध्ये Ctrl + F वापरून तुमचा अर्ज क्रमांक किंवा नाव शोधून तुम्ही निकाल पाहू शकता.
Web Summary : MHADA Pune lottery results for 4,186 homes announced today. Over two lakh applicants participated. Winners will be notified via SMS and the list is available on the MHADA website.
Web Summary : म्हाडा पुणे लॉटरी के 4,186 घरों के नतीजे आज घोषित किए गए। दो लाख से अधिक आवेदकों ने भाग लिया। विजेताओं को एसएमएस के माध्यम से सूचित किया जाएगा और सूची म्हाडा की वेबसाइट पर उपलब्ध है।