पुणे : हातउसने दिलेल्या पैशांच्या वादातून पिस्तूल रोखून तिघांना मारहाण केल्याची घटना शंकरशेठ रस्त्यावरील धोबी घाट भागात घडली. याप्रकरणी स्वारगेट पोलिसांनी खुनाचा प्रयत्न केल्याप्रकरणी दोघांना अटक केली. याबाबत कानिफनाथ विष्णू नायडू (वय ५१, रा. सेवक मित्र मंडळाजवळ, कासेवाडी, भबानी पेठ) यांनी स्वारगेट पोलिस ठाण्यात फिर्याद दिली आहे.
आरोपींनी केलेल्या मारहाणीत नायडू आणि त्यांचे दोन भाचे जखमी झाले आहे. याप्रकरणी सहा जणांविरोधात गुन्हा दाखल करण्यात आला असून, दोघांना अटक करण्यात आली आहे. पोलिसांनी दिलेल्या माहितीनुसार, शुक्रवारी (दि. ३) सायंकाळी साडेपाचच्या सुमारास नायडू आणि त्यांचे भाचे शंकरशेठ रस्ता परिसरातील धोबी घाट भागात असलेल्या स्मशानकाली मंदिरात दर्शनासाठी गेले होते. त्यावेळी नायडू यांनी आरोपींना दिलेले हातउसने पैसे परत मागितल्याने वाद झाला.
त्यानंतर आरोपींनी नायडू यांच्या डोक्यावर शस्त्राने वार केला. नायडू यांच्याबरोबर असलेल्या भाच्यांनी मध्यस्थी केली. तेव्हा आरोपींनी नायडू आणि भाच्यांवर पिस्तूल रोखून जीवे मारण्याची धमकी दिली. पुढील तपास पोलिस उपनिरीक्षक शिरसाठ करीत आहेत.
Web Summary : In Pune, a money dispute escalated into assault with a pistol on Shankar Sheth Road. Two individuals were arrested for attempted murder after allegedly attacking three people, including Kanifnath Naidu, over unpaid debt. Police are investigating the incident.
Web Summary : पुणे में शंकर शेठ रोड पर पैसों के विवाद में पिस्तौल से हमला हुआ। कानिफनाथ नायडू समेत तीन लोगों पर हमला करने के आरोप में हत्या के प्रयास के तहत दो लोगों को गिरफ्तार किया गया है। पुलिस मामले की जांच कर रही है।