पुणे : शहरात रिअल इस्टेट व्यवहारातील फसवणुकीचा आणखी एक प्रकार समोर आला आहे. वानवडी पोलिसांनी एका बांधकाम व्यावसायिकाविरोधात तब्बल एक कोटी रुपयांच्या फसवणुकीचा गुन्हा दाखल केला आहे. सुराणा लँडमार्क्स एलएलपी या कंपनीचे संचालक राजीव हिरालाल सुराणा (४०), राहुल हिरालाल सुराणा (४९, दोघे रा. रस्ता पेठ) यांच्याविरोधात गुन्हा दाखल करण्यात आला आहे. याप्रकरणी एका ४९ वर्षीय तक्रारदाराने वानवडी पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, तक्रारदाराने वानवडी परिसरातील एका व्यावसायिक संकुलातील दुकान खरेदीसाठी मोठी रक्कम अदा केली होती. मात्र, संबंधित बिल्डरने हेच दुकान दुसऱ्या खरेदीदारालाही विकल्याचे फिर्यादीत म्हटले आहे. या दुहेरी विक्रीमुळे तक्रारदाराची सुमारे एक कोटी रुपयांची आर्थिक फसवणूक झाल्याचा आरोप आहे. याप्रकरणी तक्रार प्राप्त होताच वानवडी पोलिसांनी आरोपीविरोधात फसवणूक केल्याप्रकरणी गुन्हा नोंदवला आहे. व्यवहाराशी संबंधित कागदपत्रे, करारनामे आणि आर्थिक देवाणघेवाणीची माहिती पोलिसांकडून तपासली जात असून, आणखी काही फसवणूक झाल्या आहेत का, याचाही शोध घेतला जात आहे. या प्रकरणाचा पुढील तपास गुन्हे शाखेचे पोलिस निरीक्षक जाधव करत आहेत.
Web Summary : Pune builder booked for ₹1 crore fraud. He allegedly sold the same shop in Wanwadi twice, cheating a buyer. Police are investigating the double sale and other potential frauds.
Web Summary : पुणे में बिल्डर पर एक करोड़ की धोखाधड़ी का मामला दर्ज। आरोप है कि वानवडी में एक ही दुकान दो बार बेची, जिससे खरीदार ठगा गया। पुलिस जांच कर रही है।