पिंपरी : खराळवाडी येथील एका हॉटेलमध्ये जेवणाचे बिल मागितल्याचा राग धरून एका ग्राहकाने हॉटेलच्या मॅनेजरला गाडीच्या चावीने मारहाण करून जखमी केले. ही घटना सोमवारी (६ एप्रिल) रात्री ११:३० वाजण्याच्या सुमारास उडपी लंच होम, खराळवाडी येथे घडली.संत तुकारामनगर पोलिसांनी दिलेल्या माहितीनुसार, हॉटेल मॅनेजर राघवेंद्र सीताराम शेट्टी (वय ४५, खराळवाडी, पिंपरी) यांनी संत तुकारामनगर पोलिस ठाण्यात फिर्याद दिली आहे. पोलिसांनी संकेत सकपाळ (वय २७, खराळवाडी, पिंपरी) याच्या विरोधात गुन्हा दाखल केला आहे.संकेत सकपाळ याने सुरुवातीला हॉटेलमधील वेटरला शिवीगाळ केली. त्यानंतर, मॅनेजर शेट्टी यांनी त्याला जेवणाचे बिल मागितले असता, संकेतने रागाच्या भरात आपल्याजवळील ॲक्टिव्हा गाडीची चावी शेट्टी यांच्या मानेवर आणि डोक्यावर मारली. यामध्ये शेट्टी जखमी झाले आहेत.
Web Summary : In Pimpri, a hotel manager was attacked with a car key by a customer for asking for the bill. The manager, Raghavendra Shetty, was injured. Police have registered a case against the accused, Sanket Sakpal.
Web Summary : पिंपरी में, बिल मांगने पर एक ग्राहक ने होटल मैनेजर पर कार की चाबी से हमला कर दिया। मैनेजर राघवेंद्र शेट्टी घायल हो गए। पुलिस ने आरोपी संकेत सकपाल के खिलाफ मामला दर्ज किया है।