पुणे: पुण्यातील अत्यंत हाय-व्होल्टेज ठरलेल्या प्रभाग क्रमांक ४० मध्ये भारतीय जनता पक्षाने मुसंडी मारली आहे. 'पुणेकर' आणि 'कात्रजचा राजा' म्हणून ओळखल्या जाणाऱ्या वसंत मोरे यांच्या चिरंजीवांना मतदारांनी नाकारले आहे. प्रभाग ४० (ड) मधून निवडणूक लढवणाऱ्या रुपेश मोरे यांचा भाजपच्या रंजना टिळेकर यांनी पराभव केला आहे.
वसंत मोरेंचे काय झाले? वसंत मोरे हे स्वतः प्रभाग ३८ (हडपसर-कोंढवा बुद्रुक) मधून शिवसेना (UBT) कडून रिंगणात आहेत. त्यांच्या प्रभागाची मतमोजणी सध्या सुरू असून, त्यांच्या मुलाच्या पराभवामुळे मोरेंच्या राजकीय गडाला सुरुंग लागल्याचे चित्र आहे. कात्रज हा वसंत मोरेंचा बालेकिल्ला मानला जातो, मात्र तेथील चारही जागा भाजपने जिंकल्याने वसंत मोरे यांच्यासाठी हा मोठा राजकीय पेच मानला जात आहे.
रंजना टिळेकर यांच्या विजयाने भाजपचे माजी आमदार योगेश टिळेकर यांची ताकद या भागात पुन्हा एकदा सिद्ध झाली आहे. मतदानाच्या आदल्या रात्री या प्रभागात चांदीच्या वाट्या वाटल्याचा आरोप वसंत मोरेंनी केला होता, मात्र मतदारांनी भाजपच्या पारड्यात आपले मत टाकले आहे.
Web Summary : In Pune, BJP triumphed in Ward 40, defeating Rupesh More, son of Vasant More. Vasant More contested from Ward 38. BJP won all four Katraj seats, a setback for More. Ranjana Tilekar's victory reaffirms Yogesh Tilekar's strength.
Web Summary : पुणे में वार्ड 40 में भाजपा की जीत, वसंत मोरे के बेटे रूपेश मोरे पराजित। वसंत मोरे ने वार्ड 38 से चुनाव लड़ा। भाजपा ने कात्रज की चारों सीटें जीतीं, जो मोरे के लिए एक झटका है। रंजना टिलेकर की जीत योगेश टिलेकर की ताकत की पुष्टि करती है।