PMC Election Results 2026: पुण्यात दीपक मानकरांचे दोन्ही सुपुत्र विजयी; हर्षवर्धन राष्ट्रवादीकडून तर राघवेंद्र भाजपकडून विजयी

PMC Election Results 2026 पुण्याच्या निवडणुकीत दीपक मानकरांच्या दोन्ही मुलांनी लक्ष वेधले असून दोघे भाऊ असून ते वेगवेगळ्या पक्षातून निवडणूक लढवत होते

पुणे : पुणे महापालिका निवडणुकीसाठी भाजप आणि शिंदेसेना स्वबळावर, दोन्ही राष्ट्रवादी काँग्रेसची आघाडी आणि काँग्रेस, उद्धवसेना व मनसे हे एकत्रपणे निवडणुकीला सामोरे जात आहेत. अनेकजण राजकीय पक्ष बदलून निवडणुकीच्या रिंगणात उभे राहिले आहेत. त्यामुळे अनेक प्रभागांमध्ये माजी नगरसेवक एकमेकांच्या विरोधात उभे राहिले आहेत. निवडणुकीत १६५ जागांसाठी १ हजार १५५ उमेदवार रिंगणात आहेत. त्यात अपक्ष उमेदवारांची संख्या २७७ आहे. प्रभाग क्रमांक ३५मधील भाजपच्या मंजुषा नागपुरे आणि श्रीकांत जगताप यांची बिनविरोध निवड झाली आहे. त्यामुळे आता निवडणूक १६३ जागांसाठी होत आहे.

पुणे - पिंपरी चिंचवड महापालिका निकालाचे लाईव्ह अपडेट

पुण्याच्या निवडणुकीत दीपक मानकरांच्या दोन्ही मुलांनी लक्ष वेधले असून दोघे भाऊ असून ते वेगवेगळ्या पक्षातून निवडणूक लढवत होते. दीपक मानकर यांचे पुत्र हर्षवर्धन मानकर हे प्रभाग क्रमांक 11 मधून अजित पवारांच्या राष्ट्रवादी मधून निवडणूक लढवत होते. तर दीपक मानकर यांचे दुसरे पुत्र राघवेंद्र मानकर हे प्रभाग क्रमांक 25 मधून भाजपमधून निवडणूक लढवत होते. अखेर या दोघांचा विजय झाला आहे. प्रभाग २५ मधून भाजपचे राघवेंद्र मानकर, स्वप्नाली पंडित, स्वरदा बापट, कुणाल टिळक हे विजयी झाले आहेत. तर  प्रभाग क्र ११ मधून राष्ट्रवादीचे हर्षवर्धन मानकर, काँग्रेसच्या दिपाली ढोक, भाजपच्या मनिषा बुटाला आणि काँग्रेसचे रामचंद्र कदम हे विजयी घोषित झाले आहेत. 

पुण्यात भाजपने चांगलीच मुसंडी मारली असून जवळपास ९० च्या आसपास जागांवर आघाडी घेतली आहे. तर ६० पेक्षा जास्त नगरसेवक आतापर्यंत निवडून आले आहेत. मात्र या निवडणुकीत दोन्ही राष्ट्रवादी एकत्र असूनही जास्तीत जास्त जागा मिळवण्यासाठी अपयशी ठरल्या आहेत. पिंपरीतही भाजपची सत्ता मिळवण्याच्या दिशेने वाटचाल सुरु आहे. पुण्यात राष्ट्रवादीचे १० उमेदवार सध्या आघाडीवर असून ४ नगरसेवक निवडून आले आहेत. अनेकजण राजकीय पक्ष बदलून निवडणुकीच्या रिंगणात उभे राहिले आहेत. त्यामुळे अनेक प्रभागांमध्ये माजी नगरसेवक एकमेकांच्या विरोधात उभे राहिले आहेत. भाजप , शिंदेसेना, दोन्ही राष्ट्रवादी एकत्र आणि काँग्रेस-उद्धवसेना-मनसे या चौरंगी लढत सर्वत्र  सुरु आहे.