पुणे : महापालिका निवडणुकीत उद्धवसेना, काँग्रेस आणि मनसे आघाडीने पहिल्यांदाच एकत्रित पुणे महापालिका निवडणुकीला सामोरे गेले आहेत. परंतु, २०१७ मध्ये १० जागा जिंकणाऱ्या उद्धवसेनेला यंदाच्या निवडणुकीत केवळ एकच जागा जिंकता आल्याने भाजपच्या लाटेतही एका जागेवर मशाल पेटवल्याचे चित्र आहे. शहरातील प्रभाग क्र. १६ क मध्ये उद्धवसेनेचे नितीन निवृत्ती गावडे यांनी विजय मिळवत शहरात मशाल धगधगती ठेवली आहे.
२०१७ च्या महापालिका निवडणुकीत उद्धवसेनेत फूट पडली नव्हती. त्यामुळे शिवसेना आणि भाजप यांनी एकत्रित निवडणूक लढवली होती. तरीही केवळ १० जागाच जिंकता आल्या होत्या. २०२२ च्या पक्षफुटीनंतर शिवसेनेत उद्धवसेना आणि शिंदेसेना अशी फूट पडली. यामध्ये मत विभागणी झाली. भाजपच्या विरोधात प्रमुख भूमिका घेणाऱ्या उद्धवसेनेने काँग्रेस आणि मनसेसोबत युती करून महापालिका निवडणूक लढवली. परंतु, यात फारशे यश मिळाले नाही. उद्धवसेनेच्या कल्पना थोरवे, माजी आमदार पुत्र प्रसाद बाबर, रूपेश मोरे यांना पराभवाला सामोरे जावे लागले. प्रमुख उमेदवारांचा पराभव झाल्याने उद्धवसेनेच्या जागा घटल्या. शिवाय काँग्रेस आणि मनसेसोबत युतीचा फायदा झाला नसल्याचे दिसून आले. तसेच पुण्यात उद्धवसेनेच्या एकाही मोठ्या नेत्याची सभा न झाल्याने त्याचाही फटका उद्धवसेनेला बसला आहे. भविष्यात पुण्यात उद्धवसेनेला तग धरण्यासाठी स्थानिक पातळीवर पक्ष बांधणीसह वरिष्ठांकडून वेळ देणे आवश्यक आहे. शिवाय मूळच्या शिवसैनिकांना विश्वासात घेऊन पक्ष बळकट करणे आवश्यक आहे. अन्यथा उद्धवसेनेची अवस्था बिकट होण्यास वेळ लागणार नाही.
प्रभाग क्रमांक १६ चे विजयी उमेदवार
बनकर वैशाली सुनिल राष्ट्रवादीजंगले उज्वला सुभाष भाजपगावडे नितीन निवृत्ती शिवसेना(UBT)तुपे मारुती शिवाजी भाजप
Web Summary : Despite allying with Congress and MNS, Uddhav Sena won only one Pune seat, down from ten in 2017. Internal divisions and lack of senior leaders' rallies impacted performance, requiring stronger local efforts.
Web Summary : कांग्रेस और मनसे के साथ गठबंधन के बावजूद, उद्धव सेना ने 2017 में दस के मुकाबले पुणे में केवल एक सीट जीती। आंतरिक विभाजन और वरिष्ठ नेताओं की रैलियों की कमी ने प्रदर्शन को प्रभावित किया, जिसके लिए मजबूत स्थानीय प्रयासों की आवश्यकता है।