पुणे : पुणे महापालिकेचा रणसंग्राम अखेर अंतिम टप्प्यात आला असून सकाळी ७:३० पासून मतदानाला सुरुवात झाली. त्यामधून पुण्याचे कारभारी ठरणार आहेत. ४१ प्रभागांतील १६५ जागांसाठी १ हजार १५३ उमेदवार रिंगणात असून, त्यांचे भवितव्य ईव्हीएम यंत्रात बंद होणार आहे. या निवडणुकीसाठी ९३२ ठिकाणी ४ हजार ११ मतदान केंद्रे आहेत. त्यात ९०६ संंवेदनशील मतदान केंद्रे आहेत. मंत्री चंद्रकांत पाटलांनी सकाळी मतदानाचा हक्क बजावला आहे. यावेळी त्यांनी माध्यमांशी संवाद साधताना भाजप सर्व जागा जिंकेल असा विश्वास व्यक्त केला. तसेच एका आजीबाईंची आठवण सांगितली.
पाटील म्हणाले, २०१४ साली मोदीजी देशाचे पंतप्रधान होईपर्यंत या सगळ्या प्रचाराचा आरोप प्रत्यारोपाचा सकारात्मक किंवा नकारात्मक परिणाम व्हायचा. २०१४ मोदीजी पंतप्रधान आणि देवेंद्रजी महाराष्ट्राचे मुख्यमंत्री झाले. आणि ५ वर्षांमध्ये आता विकासावर आणि चेहऱ्यावर मोदीजी आहेत. विकास सुरु असल्यामुळे आरोपांचा काही उपयोग होत नाही. मला परवा प्रचारामध्ये ग्रामीण भागामध्ये एका आजीबाईंना भेटलो त्या म्हणाल्या, जरा मोदीजींना सांगा की तुमचं चिन्ह कमळ बदलून मोदीजी करा. आम्हाला ते सोपं पडेल. इतका मोदीजींचा करिष्मा असल्याचे पाटलांनी यावेळी सांगितले आहे.
दरम्यान आता निवडणूक १६३ जागांसाठी होत आहे. पुणे पालिका निवडणूक दोन्ही राष्ट्रवादी एकत्रितपणे लढवत आहेत. या निवडणुकीत भाजप आणि शिंदेसेनेची युती झाली नाही. त्यामुळे भाजप आणि शिंदेसेनेचे उमेदवार एकमेकांच्या विरोधात उभे आहेत. काँग्रेस व उद्धवसेना - मनसे हे तिन्ही पक्ष एकत्रितपणे निवडणूक लढवत आहेत. या निवडणुकीसाठी ४ हजार ११ मतदान केंद्रे आहेत.
Web Summary : Chandrakant Patil recalls an old woman's wish to change the BJP symbol to Modi. He expresses confidence in BJP's victory in Pune elections, highlighting Modi's influence and criticizing opposition's overconfidence.
Web Summary : चंद्रकांत पाटिल ने एक बुजुर्ग महिला की इच्छा को याद करते हुए कहा कि बीजेपी का चुनाव चिन्ह बदलकर मोदीजी कर देना चाहिए। उन्होंने पुणे चुनाव में बीजेपी की जीत का विश्वास जताया, मोदी के प्रभाव को उजागर किया और विपक्ष के आत्मविश्वास की आलोचना की।