पुणे: निवडणुकीच्या रिंगणात उतरण्यासाठी राजकीय पक्ष उमेदवारांच्या मागे लागतात, पण पुण्यात एक अजब प्रकार समोर आला आहे. सिंहगड रस्ता क्षेत्रीय कार्यालयात आज उमेदवारी अर्ज भरण्याच्या शेवटच्या दिवशी शिंदेसेनेवर मोठी नामुष्की ओढवली. पक्षाने अधिकृत उमेदवारीचा ‘एबी’ फॉर्म एका उमेदवाराच्या हातात दिला, मात्र तो उमेदवार फॉर्म घेऊन गायब झाला तो थेट अर्ज भरण्याची वेळ संपेपर्यंत परतलाच नाही.
महायुती तुटल्यानंतर शिंदेसेनेने प्रभाग ३३ मध्ये तातडीने उमेदवार उभे करण्याची रणनीती आखली. सिंहगड रस्ता क्षेत्रीय कार्यालयाच्या आवारातच ‘एबी’ फॉर्म वाटप करण्यात येत होते. याच गोंधळात एका उमेदवाराला स्थानिक नेत्यांनी ‘एबी’ फॉर्म दिला. परंतु, तो उमेदवार ‘एबी’ फॉर्म घेऊन कार्यालयातून बाहेर पडला आणि पुन्हा अर्ज भरण्याची वेळ संपेपर्यंत आलाच नाही. परिणामी, या प्रभागात शिवसेनेचे पॅनल अपूर्ण राहिले आहे.
दुसरीकडे, प्रभाग ३४ मध्ये निलेश गिरमे आणि त्यांच्या मातोश्री राधिका गिरमे या माय-लेकांना एकाच वेळी उमेदवारी देण्यात आली आहे. उमेदवारांची वानवा असल्यानेच पक्षाने एकाच कुटुंबात दोन तिकिटे दिली का, असा प्रश्न आता उपस्थित होत आहे. प्रभाग क्रमांक ३३ मध्ये भाजपने नाकारलेल्या संदीप सुभाष पोकळे व सीमा पोकळे या पती-पत्नीला एकाच प्रभागातून शिंदे गटाने तातडीने उमेदवारी दिली आहे.
Web Summary : In Pune, a Shinde Sena candidate disappeared with the 'AB' form before filing, leaving their panel incomplete. A mother-son duo got tickets in another ward. BJP rejects were quickly given Shinde Sena tickets in ward 33.
Web Summary : पुणे में, एक शिंदे सेना उम्मीदवार 'एबी' फॉर्म के साथ गायब हो गया, जिससे उनका पैनल अधूरा रह गया। एक अन्य वार्ड में एक माँ-बेटे की जोड़ी को टिकट मिला। बीजेपी से खारिज लोगों को वार्ड 33 में तुरंत शिंदे सेना के टिकट दिए गए।