कात्रज/धनकवडी : पुणे महानगरपालिका निवडणुकीच्या पार्श्वभूमीवर कात्रज येथील सर्व्हिलंन्स स्कॉड टीमने (एसएसटी) नाकाबंदी दरम्यान मोठी कारवाई केली आहे. कात्रज जंक्शन येथील एसएसटी नाकाबंदी पॉईंटवर तपासणी दरम्यान टोयोटा हायरायडर चारचाकी वाहनातून तब्बल ६७ लाख रुपयांची रोख रक्कम जप्त करण्यात आली. संबंधित वाहनही ताब्यात घेण्यात आले आहे. शुक्रवारी (दि. २ ) सकाळी एसएसटी पथक प्रमुख अधिकारी आरोग्य निरीक्षक योगेश सुरेश माने यांच्या नेतृत्वाखाली ही कारवाई करण्यात आली.
तपासणी दरम्यान एमएच १२ व्ही.झेड. ४०१४ क्रमांकाची पांढऱ्या रंगाची टोयोटा हायरायडर कार थांबवण्यात आली. वाहनात मालक तुषार विजय मिरजकर ( ३९, रा. सासवड, पुणे) असल्याचे निष्पन्न झाले. त्याच्यासोबत वाहनात अनिल शंकर कामठे आणि गणेश बाळासाहेब जगताप हे दोघे उपस्थित होते. वाहनाच्या मागील डिकीत तपासणी केली असता लाल रंगाच्या पिशव्यांमध्ये विविध चलनी नोटांचे बंडल आढळून आले. चौकशी दरम्यान चालकाने ही रक्कम सासवड तालुक्यातील तक्रारवाडी येथील गट क्रमांक १३५ ही जमीन खरेदी करण्यासाठी रोख स्वरूपात देण्यासाठी नेत असल्याचे सांगितले. मात्र, निवडणूक आचारसंहितेच्या पार्श्वभूमीवर रक्कमेची शहानिशा आवश्यक असल्याने पंचनामा करून रक्कम जप्त करण्यात आली. ही संपूर्ण कारवाई पंचांच्या व पोलिसांच्या उपस्थितीत करण्यात आली असून रोकड सीलबंद करून ताब्यात घेण्यात आली आहे. संबंधित टोयोटा हायरायडर वाहनही महानगरपालिकेच्या सुरक्षित ठिकाणी ठेवण्यात आले आहे. प्रकरणाची माहिती नोडल अधिकारी श्रीपाद नाईक यांच्यामार्फत आयकर विभागाला देण्यात आली असून आयकर विभागाचे अधिकारी पुढील तपासासाठी घटनास्थळी दाखल होत आहेत.
Web Summary : During election checks in Pune's Katraj, ₹6.7 million was seized from a car. The occupants claimed it was for a land deal, but due to the election code of conduct, the money and vehicle were impounded. The Income Tax Department is investigating.
Web Summary : पुणे के कात्रज में चुनाव जांच के दौरान एक कार से 67 लाख रुपये जब्त किए गए। कार सवारों ने दावा किया कि यह जमीन के सौदे के लिए था, लेकिन चुनाव आचार संहिता के कारण पैसे और वाहन को जब्त कर लिया गया। आयकर विभाग जांच कर रहा है।