Pune News | Latest Pune News in Marathi | पुणे बातम्या | पुणे समाचार |Breaking & Live Pune News Headlines | Today's Pune News Paper

लोणावळा : लोणावळा व मावळ तालुक्यात पुणे जिल्हाधिकारी यांनी पर्यटनबंदीचा आदेश लागू केला असला तरी या आदेशाला केराची टोपली दाखवत शनिवार व रविवारी लोणावळयात पर्यटकांनी मोठी गर्दी केली होती. भाजपाच्या निवेदनानंतर लोणावळा शहर पोलिसांनी भुशी धरण व लायन्स पॉईटकडे जाणाऱ्या मार्गावरील चेकपोस्ट नाके बंद केल्याने भुशी धरण व लायन्स पॉईटकडे जाणाऱ्या मार्गावर पर्यटकांचा मुक्तसंचार पहायला मिळाला. पर्यटनस्थळांवर जाण्यास पर्यटकांनी बंदी असली तरी रस्त्यावरून जाता येत असल्याने किमान भुशी धरण व लायन्स पॉईट दूरून का होईना पहाता यावा याकरिता पर्यटकांनी त्यांच्या वाहनांचा ताफा त्या परिसरात वळविल्याने लायन्स पॉईट व शिवलिंग पॉईट तसेच गिधाढ तलाव परिसरात वाहनांच्या लांबच लांब रांगा लागल्या होत्या.लोणावळयातील आल्हाददायक वातावरण व दरीमधून अलगदपणे वाहणारे धुके हा नजारा पाहण्यासाठी पर्यटक गर्दी करत असतात. यावर्षी कोरोना आजाराच्या पार्श्वभुमीवर लोणावळा व मावळ परिसरातील पर्यटनस्थळे पर्यटनासाठी बंद ठेवण्याचा आदेश पुण्याचे तत्कालिन जिल्हाधिकारी नवल किशोर राम यांनी बजावले होते. या आदेशांनुसार लोणावळा शहर व ग्रामीण पोलीसांनी मागील चार महिन्यांपासून या आदेशाचे पालन करत पर्यटकांना पर्यटनस्थळ परिसरात जाण्याच मज्जाव केला होता.अनलॉक चार मध्ये केंद्र व राज्य शासनाने नागरिकांना एक ठिकाणाहून दुसऱ्या ठिकाणी जाण्यास परवानगी दिल्याने तसेच पासची अट रद्द केल्याने नागरिक एका ठिकाणहून दुसऱ्या ठिकाणी सहज जाऊ लागले आहेत. यामुळे पर्यटनबंदी असली तरी नागरिकांना व पर्यटकांना बिनधिक्कतपणे पर्यटनस्थळांकडे जाणाऱ्या मार्गावर जाणे शक्य झाल्याने 2 ऑक्टोबर या गांधी जयंतीच्या सुट्टीला जोडून आलेल्या शनिवार व रविवारच्या सुट्टीचे निमित्त साधत पर्यटक मोठया संख्येने लोणावळयात दाखल झाले होते. यामुळे शहरातील सर्व रस्ते, मुंबई पुणे राष्ट्रीय महामार्ग, सहारा पुल व लायन्स पॉईट परिसरात मोठया प्रमाणात वाहतूक कोंडी झाली होती. खंडाळा परिसरात देखील पर्यटक वाहनांची व पर्यटकांची मोठी गर्दी झाल्याचे चित्र पहायला मिळाले. तुंगार्ली धरण परिसर, पवनाधरणाचा परिसर याठिकाणी मोठी गर्दी झाल्याने स्थानिकांनी यावर नाराजी व्यक्त केली. लोणावळा शहराला व परिसराला कोरोनामुक्त करण्यासाठी स्थानिक नागरिक नियमांचे पालन करत असताना पर्यटकांची गर्दी मात्र कोरोनाला आमंत्रण देणारी ठरणार असल्याने प्रशासनाने यावर कडक नियंत्रण ठेवावे अशी अपेक्षा स्थानिक नागरिक व्यक्त करत आहेत.

Pune (Marathi News)

अनेक प्रांत, तहसीलदारांच्या मुदतपूर्व बदल्या ...

पोलिसांनी केला आधुनिक तंत्रज्ञानाचा वापर; १ वर्षांपासून पोलीस आरोपींच्या मागावर.. ...

पुण्यातील बुधवार पेठ हे भारतातील तिसऱ्या क्रमांकाचे 'रेड लाईट' क्षेत्र आहे. ...

विक्रम यांच्या या आधीच्या 'द ड्रेनेज'लघुपटालाही फिल्म फेअर पुरस्कारही मिळाला होता. ...

देशभरातून एक लाख ५० हजार ८३८ विद्यार्थ्यांनी 'जेईई अ‍ॅडव्हान्स' परीक्षेसाठी नोंदणी केली होती. ...

१०० चाचण्यांमागे २३ जण बाधित ...

लोणावळयातील आल्हाददायक वातावरण व दरीमधून अलगदपणे वाहणारे धुके हा नजारा पाहण्यासाठी पर्यटक गर्दी करत असतात... ...