Pune News | Latest Pune News in Marathi | पुणे बातम्या | पुणे समाचार |Breaking & Live Pune News Headlines | Today's Pune News Paper

पिंपरी : मित्राच्या वाढदिवसानिमित्त १० ते १५ जण हाॅटेलात जेवणासाठी आले. जेवण केल्यानंतर त्यातील काही जणांमध्ये शाब्दिक बाचाबाची होऊन वाद झाला. यात काचेच्या बाटलीने वार करून तरुणाचा खून केला. ही घटना भोसरी येथे रविवारी (दि. ३) दुपारी तीनच्या सुमारास घडली.अतिक सय्यद (वय २७, रा. चक्रपाणी वसाहत, भोसरी. मूळगाव बुलढाणा) असे खून झालेल्या तरुणाचे नाव आहे. पोलीस निरीक्षक जितेंद्र कदम यांनी दिलेल्या माहितीनुसार, एका मित्राच्या वाढदिवसानिमित्त अतिक हा रविवारी दुपारी १० ते १५ मित्रांसोबत हाॅटेलमध्ये जेवण करण्यासाठी आला होता. जेवण झाल्यानंतर सर्वजण हॉटेलच्या बाहेर आले. तिथे त्यांच्यातील चार जण आणि अतिक यांच्याबत शाब्दिक बाचाबाची झाली. या वादाच्या रागातून एकाने काचेची बाटली फोडून अतिक याच्यावर हल्ला केला. यामध्ये गंभीर जखमी झालेल्या अतिक याला रुग्णालयात दाखल करण्यात आले. मात्र उपचारापूर्वीच त्याचा मृत्यू झाल्याचे डाॅक्टरांनी सांगितले. याबाबत माहिती मिळाल्यानंतर भोसरी पोलीस घटनास्थळी दाखल झाले. त्यांनी तीन संशयितांना ताब्यात घेतल असून उर्वरित आणखी एकाचा शोध सुरू आहे.

Pune (Marathi News)

उपमुख्यमंत्री अजित पवार आणि खासदार अमोल कोल्हे यांचा एक फोटो सोशल मीडियावर नेहमीच दिसून येतो ...

राज ठाकरेंच्या सभांना गर्दी जमते पण मत किती मिळतात, हा खरा प्रश्न ...

व्हायरल व्हिडिओमुळे आला प्रकार उघडकीस ...