Pune Marathi News | पुणे मराठी बातम्या | Latest Pune News in Marathi | पुणे समाचार | Pune Crime Marathi News| Breaking & Live Pune News Headlines | Today's Pune News Paper

वारजे : कर्वेनगरमधील नामांकित मुलींच्या शाळेत दाखला घ्यायला आलेल्या मुलीशी ओळख वाढवून तिला अश्लील मेसेज पाठवून तिचा विनयभंग केल्याबद्दल शिपायावर गुन्हा दाखल करण्यात आला आहे. अनिल बावधने (वय ४३, रा. कोथरूड) असे गुन्हा दाखल कर्मचाऱ्याचे नाव आहे.याबाबत पोलिसांनी दिलेल्या माहितीनुसार संबंधित २१ वर्षीय तरुणी तिचा दाखला घेण्यासाठी शाळेत आली होती. त्यावेळेस मुख्याध्यापिका उपलब्ध नसल्याने त्यांची सही राहिली होती. त्यावेळी बावधने याने मुलीचा नंबर घेतला होता व दाखला झाल्यावर कळवितो असे सांगितले होते. त्यानंतर तिला वारंवार मेसेज पाठवून तिला त्रास दिला. या प्रकरणी गुन्हा दाखल करण्यात दिरंगाई होत असल्याचे कारण देत पतित पावन संघटनेच्या कार्यकर्त्यांनी सुनील मराठे यांच्या नेतृत्वाखाली कर्वेनगर चौकी व शाळेच्या गेटसमोर आंदोलन केले. विशेष म्हणजे कार्यकर्ते यांनी आंदोलन केल्यानंतर मुख्याध्यापकांनी त्यांना दाद दिली नाही व सुरक्षारक्षकांकडून गेट बंद केले, शिपायाला शाळेच्या मागच्या गेटमधून बाहेर पाठवून दिले. पोलिस शाळेत आल्यानंतर शिपाई शाळेत नव्हता अशी माहिती मराठे यांनी दिली.दरम्यान बुधवारी संध्याकाळी पोलिसांनी गुन्हा दाखल करून आरोपी बावधने यास अटक केली. अधिक तपास पोलिस उपनिरीक्षक रामदास भरसठ करीत आहे. याबाबत मुख्याध्यापिका आशा कांबळे यांना विचारले असता, हे प्रकरण नक्की काय आहे याची मला माहिती नाही, शिपायाने काय केले याबाबतही मला माहिती नाही अशी प्रतिक्रिया दिली, संस्थेच्या सचिवांनी मात्र संबंधित शिपायाला निलंबित केले असून त्याच्यावर कारवाई करू आणि शाळेत असे प्रकार होणार नाही याबाबत बैठक घेऊन सक्त सूचना देऊ असे सांगितले.

Pune (Marathi News)

शेतकऱ्याच्या दुःखात राष्ट्रवादी सहभागी असून राज्यभरात काळी दिवाळी साजरी करण्याचा निर्णय पक्षाने घेतला आहे ...

विकासकामे खराब करणाऱ्यांचे व्हिडिओ आणून देणाऱ्याला १ लाख बक्षीस देईल, आणि त्याला २ लाख दंड लावेल ...

सध्या प्रवाशांना मेट्रोतून प्रवास करताना आणि ‘पीएमपी’तून प्रवास करताना वेगवेगळे तिकीट काढावे लागत होते ...

पद्मश्री सुरेश वाडकर आणि राष्ट्रीय पुरस्कार विजेती गायिका सावनी रवींद्र यांचा अनुभवा मनमोहक कलाविष्कार ...