गोवंश व गोमांस बेकायदेशीर वाहतूकविरोधात आंदोलन

दुर्गा वाहिनी पश्चिम महाराष्ट्र संयोजिका अॅड. मृणालिनी पडवळ यांचे मार्गदर्शनाखाली आळेफाटा चौकातील शिवाजी महाराजांचे पुतळ्याजवळ हे आंदोलन करण्यात आले. यावेळी सामाजिक कार्यकर्ते व ग्रामपंचायत सदस्य डी. बी. वाळुंज विश्व हिंदू परिषद व बजरंग दलाचे जयेश जंगम, बाळासाहेब कु-हाडे, रमेश पवार, बंटी फुलसुंदर, अक्षय जगदाळे, सुमित शिनगारे, सागर भोर, अतुल थोरात उपस्थित होते.

महाराष्ट्र राज्याचे प्राणी संरक्षण कायद्यान्वये गोवंश वाहतूक व त्याची कत्तल यावर बंदी आहे. यामुळे प्रशासनाने कायद्याची काटेकोरपणे अंमलबजावणी करून परिसरातून होणारी गोवंश व गोमांस मासाची बेकायदेशीर वाहतूक व विक्री थांबवावी, अशी मागणी या आंदोलनात करण्यात आली. यानंतर आळेफाटा पोलीस ठाण्याचे पोलीस निरीक्षक मधुकर पवार यांना याबाबत निवेदन देण्यात आले.

आळेफाटा चौकात विश्व हिंदू परिषद, बजरंग दल व दुर्गा वाहिनी यांचे आंदोलन.