आमदार सुनिल टिंगरेंना दुसऱ्यांदा कोरोना; मनपा आयुक्तांसोबत केली होती लोहगाव परिसराची पाहणी

मंगळवारी आमदार सुनिल टिंगरे यांनी मनपा आयुक्त विक्रम कुमार, महापालिकेचे अधिकारी, नगरसेवक यांच्या सोबत येरवडा राजीव गांधी रुग्णालय,धानोरी,लोहगाव भागाची पाहणी दौरा केला होता

चंदननगर : वडगावशेरी विधानसभा मतदारसंघाचे आमदार सुनिल टिंगरे यांना दुसऱ्यांदा कोरोनाची लागण झाली असुन याबाबची माहिती आमदार सुनिल टिंगरे यांनी सोशल मिडीयाच्या माध्यमातुन दिली आहे.

मंगळवारी आमदार सुनिल टिंगरे यांनी मनपा आयुक्त विक्रम कुमार, महापालिकेचे अधिकारी, नगरसेवक यांच्या सोबत येरवडा राजीव गांधी रुग्णालय,धानोरी,लोहगाव भागाची पाहणी दौरा केला होता. त्यावेळी आमदार सुनिल टिंगरे यांसह मोठा संख्येने पदाधिकारी असल्याने त्यांनाही कोरोना चाचणी करावी लागणार आहे. याबाबत आमदार सुनिल टिंगरे यांच्याशी संपर्क साधला असता त्यांनी प्रकृती उत्तम असून थोडीशी कणकण वाटली म्हणून चाचणी केल्याचे त्यांनी सांगितले आहे.  

I have tested positive for #COVID19 today and have isolated myself. Those who came in contact with me over the last few days, pls get yourself tested.

— Sunil Tingre (@suniltingre) January 13, 2022