शहरं
Join us  
Trending Stories
1
RCBच्या रोमहर्षक विजयानंतर विराट कोहली रडला अन् अनुष्का शर्माही... Video Viral 
2
RCB चा प्ले ऑफमध्ये प्रवेश पक्का; रचीनचा Run Out अन् ड्यू प्लेसिसच्या स्टनर कॅचने फिरला सामना 
3
प्रज्वल रेवण्णांच्या अडचणीत वाढ, ब्लू कॉर्नर नोटीसनंतर अटक वॉरंट जारी
4
आग्र्यात बूट व्यावसायिकांच्या घरावर छापा, सापडलं कोट्यवधींचं घबाड; नोटांचे बंडल पाहून अधिकारीही चक्रावले
5
आम्ही भाजपावाले आहोत, आम्हाला घाबरणं माहिती नाही, पाकव्याप्त काश्मीरचा ताबा मिळवणारच- अमित शाह
6
"संविधानाचे रक्षण करणे हेच आमचे ध्येय, कारण...", राहुल गांधींचा भाजपावर हल्लाबोल
7
OUT or NOT-OUT? Faf Du Plessis दुर्दैवीरित्या बाद झाला, अम्पायरच्या निर्णयावर विराट खवळला 
8
"मी उद्या भाजपा कार्यालयात येतोय, तुम्हाला...", विभव कुमार यांच्या अटकेनंतर अरविंद केजरीवाल यांचे नरेंद्र मोदींना आव्हान
9
विराट कोहलीचा भीमपराक्रम! जमला नाही कोणालाच असा विक्रम, ख्रिस गेल याच्याशीही बरोबरी
10
विभव कुमार यांच्या अटकपूर्व जामीन याचिकेवर न्यायालयाचा आदेश; म्हणाले...
11
Ruturaj Gaikwad च्या विकेटवर अनुष्का शर्माचं भन्नाट सेलिब्रेशन जणू जिंकला सामना  
12
विदर्भात विजांच्या कडकडाटासह पाऊस, मुंबईत कशी असणार स्थिती?; असा आहे हवामान अंदाज
13
विमान प्रवास करताना कान दुखतो का? 'या' 5 सोप्या टिप्स फॉलो करा, नक्कीच वाटेल 'रिलॅक्स'!
14
धक्कादायक! पुणे-सोलापूर हायवेवर होर्डिंग कोसळून दोन जण जखमी 
15
"मुंबई बॉम्बहल्ल्यातील आरोपी प्रचारात पाहून बाळासाहेबांच्या आत्म्यालाही वेदना होत असतील"
16
Rohit Sharma अखेर व्यक्त झाला! मुंबई इंडियन्सच्या अपयशाचं खरं कारण सांगितलं, म्हणाला... 
17
निस्वार्थी सुरेश रैना! विराट कोहलीनं सांगितली जगाला माहीत नसलेली Mr. IPL ची गोष्ट, Video 
18
32000 रुपयांचा बँक बॅलन्स, 9 लाखांचे शेअर्स... स्वाती मालीवाल यांच्याकडे किती संपत्ती? जाणून घ्या...
19
Ashok Gehlot : "काँग्रेसचं सरकार असतानाही राम मंदिर बांधलं असतं कारण..."; अशोक गेहलोत यांचा मोठा दावा
20
दादा कोंडकेंच्या 'मुका घ्या मुका' चित्रपटाची अलका कुबल यांना होती ऑफर पण...

सावित्रीबाई फुले पुणे विद्यापीठातील मराठीचे विद्यार्थी न्यायाच्या प्रतीक्षेत; परीक्षा देण्यास मज्जाव

By लोकमत न्यूज नेटवर्क | Published: December 12, 2017 1:07 PM

हजेरीसंबंधी विद्यापीठाने खुलासा करण्यास उच्च शिक्षण विभागाच्या संचालकांनी सांगितले आहे. मात्र, अनेक दिवस उलटले तरी प्रशासनाकडून हा खुलासा करण्यात आला नाही. परीक्षा सुरू असताना त्याचा निर्णय होत नसल्याने मराठी विभागाचे अनेक विद्यार्थी न्यायाच्या प्रतीक्षेत आहेत.

ठळक मुद्देकेवळ मराठी विभागाकडूनच कारवाई का, यावर प्रश्नचिन्हहजेरी न भरल्याप्रकरणी प्र-कुलगुरू डॉ. एन. एस. उमराणी यांची नेमण्यात आली होती समितीअनेक विद्यार्थ्यांची उपस्थिती असतानाही त्यांना परीक्षेला बसू दिलेले नाही, विद्यार्थ्यांचा आरोप

पुणे : सावित्रीबाई फुले पुणे विद्यापीठाकडून ७५ टक्के हजेरी न भरणाऱ्या विद्यार्थ्यांना परीक्षेला बसू न देण्याचा निर्णय घेण्यापूर्वी नियमानुसार एक महिन्याची नोटीस का दिली नाही, याचा विद्यापीठाने खुलासा करण्यास उच्च शिक्षण विभागाच्या संचालकांनी सांगितले आहे. मात्र, अनेक दिवस उलटले तरी अद्याप प्रशासनाकडून हा खुलासा करण्यात आला नाही. एकीकडे परीक्षा सुरू असताना त्याचा निर्णय होत नसल्याने मराठी विभागाचे अनेक विद्यार्थी अद्याप न्यायाच्या प्रतीक्षेत आहेत.   सावित्रीबाई फुले पुणे विद्यापीठाच्या मराठी विभागाने अचानक ७५ टक्के हजेरीच्या नियमावर बोट ठेवून अनेक विद्यार्थ्यांना परीक्षा बसण्यास मनाई केली आहे. वस्तुत: ७५ टक्के हजेरीचा नियम विद्यापीठ कॅम्पसमधील सर्व विभाग व सर्व महाविद्यालये यांना लागू आहे. मात्र केवळ मराठी विभागाकडूनच ही कारवाई का केली जात आहे, यावर प्रश्नचिन्ह उपस्थित होत आहे. मराठीच्या काही विद्यार्थ्यांनी विभागाच्या कारभाराविरुद्ध आंदोलन केल्याने जाणीवपूर्वक त्यांना परीक्षेला बसण्यापासून रोखण्याची कारवाई केली जात असल्याचा आरोप विद्यार्थ्यांकडून करण्यात आला आहे.परीक्षेला बसू न देण्यात आलेल्या विद्यार्थ्यांनी उच्च शिक्षण विभागाचे संचालक धनराज माने यांची भेट घेऊन त्यांच्याकडे याविरुद्ध दाद मागितली. त्या वेळी नियमानुसार विद्यार्थ्यांना एक महिना अगोदर नोटिसा बजावणे आवश्यक असताना ती बजावल्याचे दिसून येत नाही, त्यामुळे याबाबत खुलासा करावा, असे पत्र संचालकांनी विद्यापीठाला पाठविलेले आहे. मात्र, प्रभारी कुलसचिव परदेश दौऱ्यावर असल्यामुळे अद्याप पत्र पाठविण्यात आलेले नाही. मराठी विभागाकडून हजेरीपत्राचे रेकॉर्ड व्यवस्थित ठेवण्यात आलेले नाही. अनेक विद्यार्थ्यांची उपस्थिती असतानाही त्यांना परीक्षेला बसू दिलेले नाही, तर काही विद्यार्थ्यांची उपस्थिती कमी असतानाही त्यांना परीक्षेला बसू देण्यात आले आहे. त्यामुळे जाणीवपूर्वक विद्यार्थ्यांनाच टार्गेट करण्यासाठी हा कारवाईचा बडगा उचलण्यात येत असल्याचा आरोप विद्यार्थ्यांनी केला आहे. हजेरी न भरल्याप्रकरणी प्र-कुलगुरू डॉ. एन. एस. उमराणी यांची समिती नेमण्यात आली होती. त्या समितीने केलेल्या शिफारशीनुसार हा निर्णय घेण्यात आला आहे. परंतु समितीने परीक्षा सुरू होण्यापूर्वीच याबाबतचा निर्णय देणे आवश्यक असताना एक पेपर झाल्यानंतर विद्यार्थ्यांना पुढचे पेपर देण्यास मनाई केली आहे. 

 

आंदोलन केल्याने केले टार्गेट विद्यार्थ्यांना निकाल दाखवावा यासाठी मराठी विभागातील काही विद्यार्थ्यांनी ठिय्या आंदोलन केले होते. त्याचबरोबर तिथल्या क्लार्ककडून योग्य वागणूक मिळत नसल्याने त्यांची बदली करण्याची मागणी केली होती. या पार्श्वभूमीवर जाणीवपूर्वक काही विद्यार्थ्यांना टार्गेट करून परीक्षेला बसू दिले जात नसल्याचा आरोप विद्यार्थ्यांनी केला आहे. 

अंतिम हजेरीपत्रच लावले नाहीमराठी विभागाच्या दोन विषयांचा अपवाद वगळता इतर विषयांच्या हजेरी नियमित घेण्यात आलेल्या नाहीत. विद्यार्थ्यांच्या हजेरीचे अंतिम हजेरीपत्रक विभागाकडून लावण्यात आले नाही. नियमानुसार एक महिन्याची नोटीस देणे अपेक्षित असताना परीक्षा सुरू असताना हॉलमधून बाहेर काढण्यात आले, अशा तक्रारी विद्यार्थ्यांनी उच्च शिक्षण विभागाचे संचालक धनराज माने यांच्याकडे केल्या आहेत.

टॅग्स :Pune universityपुणे विद्यापीठPuneपुणे