बारामती : सध्या देशात Electric वाहनांची क्रेझ मोठ्या प्रमाणात वाढताना दिसत आहे. पेट्रोल डिझेलचे वाढते दरही त्यासाठी कारणीभूत असल्याचं म्हटलं जात आहे. इलेक्ट्रीक वाहनांकडे आता अनेकांचा कल वाढत असल्यानं कंपन्याही मोठ्या प्रमाणात यात आता उतरताना दिसत आहेत. दरम्यान, राज्याचे उपमुख्यमंत्री अजित पवार यांनाही इलेक्ट्रीक वाहन चालवण्याचा मोह आवरला नाही. अजित पवार यांनी बारामतीतील पियाजो कंपनीच्या इलेक्ट्रीक रिक्षाची ट्रायल घेतली. यावेळी स्वत: उपमुख्यमंत्र्यांनी इलेक्ट्रीक रिक्षा चालवली.
शनिवारी (दि. २८) उपमुख्यमंत्री अजित पवार यांचा बारामती दौरा होता. यावेळी त्यांनी पियाजिओ कंपनीला भेट दिली. यावेळी इलेक्ट्रीक रिक्षाबाबत कंपनीच्या अधिकाऱ्यांयांनी माहिती दिली. इलेक्ट्रीक रिक्षा नेमकी चालते कशी, याचे कुतहूल उपमुख्यमंत्र्यांना देखील पडले.