‘लोकमत’ बारामती कार्यालयाचा वर्धापनदिन उत्साहात साजरा

‘लोकमत’च्या बारामती विभागीय कार्यालयाचा वर्धापनदिन शनिवारी (दि. २८) उत्साहात साजरा झाला.

बारामती : ‘लोकमत’च्या बारामती विभागीय कार्यालयाचा वर्धापनदिन शनिवारी (दि. २८) उत्साहात साजरा झाला. या वेळी राजकीय, सामाजिक, सांस्कृतिक, शैक्षणिक, सहकार आणि वैद्यकीय क्षेत्रांसह वाचकांनी या कार्यक्रमास आवर्जून उपस्थित राहून शुभेच्छा दिल्या. यानिमित्त ‘वर्धापनदिन विशेष पुरवणी’चे प्रकाशन इंदापूरचे आमदार दत्तात्रय भरणे, माजी सहकारमंत्री हर्षवर्धन पाटील, बारामती नगर परिषदेचे नगराध्यक्ष सुभाष सोमाणी, प्रांताधिकारी संतोष जाधव, नगरसेवक विक्रांत तांबे, बारामती सहकारी बँकेचे अध्यक्ष श्रीकांत सिकची, अनेकान्त एज्युकेशन सोसायटीचे सचिव जवाहर वाघोलीकर (शहा), तुळजाराम चतुरचंद महाविद्यालयाचे प्राचार्य डॉ. चंद्रशेखर मुरूमकर, बारामती तालुका वारकरी सेवा संघाचे उपाध्यक्ष एकनाथराव काटे यांच्या हस्ते झाले. या वेळी माजी नगराध्यक्ष भारती मुथा, ज्ञान, कला, क्रीडा, कृषी प्रतिष्ठानचे अध्यक्ष उत्तम फडतरे, तहसीलदार नीलप्रसाद चव्हाण, गटविकास अधिकारी राहुल काळभोर, राष्ट्रवादी काँग्रेसचे शहराध्यक्ष इम्तियाज शिकीलकर आदी मान्यवरही उपस्थित होते. ‘लोकमत’चे संपादक विजय बाविस्कर यांनी मान्यवरांचे स्वागत केले.