ओतूर : रोहोकडी ता.जुन्नर येथे आठदिवसांपूर्वी अभय घोलप व रखमा घोलप यांच्यावर बिबट हल्ला झालेली घटना ताजी असतानाच गुरुवारी (दि.६) रोजी सायंकाळी ८ वाजे सुमारास पुन्हा याच परिसरात बिबट्यांने दुचाकीवर झडप घेऊन पाठीमागे बसलेल्या तरुणाला जखमी केले या घटनेमुळे रोहोकडी शिवारात दहशत कायम असून नागरिकात भीतीचे वातावरण निर्माण झाले आहे.आधिक माहिती अशी की गुरुवार दि.६ फेब्रुवारी रोजी संदीप कुलवडे व साहिल डोंगरे ओतूर वरून रोहोकडी येथील महालक्ष्मीरोड ते गावठाण रस्त्याला मोटार दुरूस्तीसाठी येत असताना पांधी येथील शांताराम मुरादे यांच्या घराजवळील रस्त्याच्याकडेला ऊसात दबा धरून बसलेल्या बिबट्याने मोटारसायकलवर माघे बसलेल्या साहिल लक्ष्मण डोंगरे (वय १९ ) रा. उदापूर यांच्यावर झेप घेऊन जखमी केले आहे मागून आलेल्या मोटरसायकलवर वरील तरुणांनी व स्थानिकांनी ही घटना पाहून आरडा ओरड करून बिबट्याला पळून लावले यावेळी माहिती वनविभागाला समजताच तत्परतेने वनपरिक्षेत्र अधिकारी ओतूर लहू ठोकळे यांच्या मार्गदर्शनाखाली वनपाल रूपाली जगताप, वैभव वाजे, फुलचंद खंडागळे व टीम येऊन यांनी जखमीला तात्काळ ओतूर प्राथमिक आरोग्य केंद्रात आणून प्राथमिक उपचार करून पुढील उपचारासाठी नारायणगाव येथे पाठवण्यात आले आहे. यावेळी वनविभगाकडून सांगण्यात आले की तात्काळ आलायडर मशीन बसवली असून रिस्को टीम गस्ती घालणार असून हल्ला झालेल्या परिसरात तीन पिंजरे लावणार असल्याचे सागितले.
शेतकऱ्यांच्या काळजात धडकी...काही दिवसांपासून रोहोकडी परिसरात बिबट्यांकडून हल्ले होण्याचे प्रमाण वाढले असल्याने याचा विपरीत परिणाम शेतातील कामांवर झाल्याचे स्पष्टपणे दिसत आहे. बिबट्याच्या हल्ल्यांमुळे एक प्रकारचे गावावर संकट उभे राहिले आहे त्यामुळे वनविभागाने मोठ्या प्रमाणात उपाय योजना करून बिबट्याला जेरबंद करावे - सुभाष घोलप सरपंच रोहोकडी