नागरिकांच्या सहकार्याने इंदापूर नगर परिषद स्वच्छ सर्वेक्षणमध्ये देशात प्रथम स्थानी येईल

--

इंदापूर : महाराष्ट्र शासनाच्या पर्यावरण आणि हवामान बदल विभागाने माझी वसुंधरा अभियान राबविले आहे. हे अभियान निसर्गाच्या पंचमहातत्त्वांवर म्हणजेच भूमी, जल वायू, अग्री, आकाश यांचा समावेश असून त्यातून शहराच्या शाश्वत विकासासाठी प्रयत्न केले जातील. त्याचबरोबर स्वच्छ सर्वेक्षण मध्येही देशात प्रथमस्थानी इंदापूर नगरपरिषद येण्यासाठी इंदापूर शहरातील नागरिकांचा सहभाग महत्वपूर्ण आहे, असे प्रतिपादन नगराध्यक्षा अंकिता मुकुंद शहा यांनी केले.

इंदापूर नगरपरिषदेच्या वतीने उत्तरायण सप्ताहा निमित्ताने ( दि. १७ जानेवारी ते २३ जानेवारी २०२१ ) या कालावधीत घेण्यात आलेल्या माझी वसुंधरा विविध स्पर्धेतील विजेत्यांना प्रजासत्ताक दिनाचे औचित्य साधून बक्षीस देऊन सन्मान करण्यात आला. यावेळी मुख्याधिकारी डॉ. प्रदीप ठेंगल, नगराध्यक्षा अंकिता मुकुंद शहा, नगरसेवक भरत शहा, गटनेते कैलास कदम, इंदापूर तालुका शिक्षण प्रसारक मंडळाचे मुख्य सचिव मुकुंद शहा, बालकल्याण समिती सभापती राजश्री अशोक मखरे, नगरसेविका हेमलता माळुंजकर, मीना मोमीन, अर्बन बँकेचे संचालक दादासाहेब पिसे, विशाल बोन्द्रे, महादेव सोमवंशी, हमीद आतार, जावेद शेख, सागर गानबोटे, रमेश धोत्रे आदी मान्यवर उपस्थित होते.

स्पर्धेत पंचमहातत्त्वावर आधारित घटकांचे पर्यावरणातील महत्व दर्शवणारी कलाकृती, साहित्य, देखावा, प्रकल्प अशा विविध प्रकारे स्पर्धकांनी सादर केली . याची नगरपरिषद कार्यालयाकडून नियुक्त केलेल्या तज्ज्ञांकडून तपासणी केली व प्रत्येक पंचमहातत्त्वाच्या घटकातून प्रथम, द्वितीय, तृतीय क्रमांक विजेत्याची निवड करण्यात आली.

--

प्रकल्प बनावा स्पर्धेचा निकाल असा :

यामध्ये पृथ्वी विषयात प्रथम क्रमांक नागेश राम केंगार, द्वितीय क्रमांक दर्शन धनंजय दळवी, तृतीय क्रमांक विनय अशोक कचरे, तर वायू विषयात प्रथम क्रमांक वैष्णव प्रमोद धांगेकर, व्दितीय ऐश्वर्या सुरेश शिंदे, तृतीय श्रद्धा सौदागर गोडसे, तर जल विभागात प्रथम क्रमांक हसिबा शमशेर शिकलकर, द्वितीय क्रमांक सागर बापू शिंदे, तृतीय क्रमांक राजेस्वी जाधव, तर अग्नी विभागात प्रथम क्रमांक अंकित दीपक चव्हाण, द्वितीय क्रमांक स्नेहल संतोष साबळे, तृतीय क्रमांक बाबासाहेब रामचंद्र भोंग यांना मिळाला.

---

फोटो क्रमांक : २७ इंदापूर माझी वसुंधरा संपर्धा

फोटो ओळ : माझी वसुंधरा स्पर्धेतील विजेत्यांना बक्षिसे वितरण करताना नगराध्यक्षा अंकिता शहा व मान्यवर