ourdeepak@gmail.com
अबीर हा चौथीपासूनच मोबाईल वापरण्यात तरबेज होता. विविव पेड गेम्ससुद्दा वेगळ्या साईटवर जाऊन क्रॅकवर्जन डाऊनलोड कसे करायचे यात तर माहीरच. त्यामुळे सोसायटीतील मोठी मुले सुध्दा त्याच्याकडे विविध गेम्स डाऊनलोड करून घ्यायला यायची. अबीरच्या या मोबाईल नॉलेजचं त्याच्या मम्मी-पप्पांनाही भारीच कौतुक त्यामुळे त्यांच्या पप्पांनी त्याला स्वतंत्र मोबाईलच घेऊन दिला होता. शेजारच्या फ्लॅटमध्ये राहणाऱ्या ओझसला मात्र त्याच्या मम्मी-पप्पांकडून अगदी काही वेळच दिला जायचा. त्या दिवशी रविवारचा दिवस होता आणि ओझसच्या पप्पांना सुट्टी होती म्हणून ती संधी साधत अबीरचं घर गाठायचं आणि त्याच्याकडील चार-पाच गेम्स त्याच्या मोबाईलमध्ये डाऊनलोड करायचा चंग बांधला. एका गेमसाठीतर तीनशे रुपये ऑनलाईन पेमेंट करण्याची परवानगीही पप्पांकडून मिळवली. तडक अबीरचं घर गाठलं आणि अबीरकडून पहिल्यांदा पेड गेम्सचे काही क्रॅकव्हर्जन डाऊनलोड करून घेतले, त्याचवेळी ५०० रुपयांची गेम ५० रुपयांत मिळवा अशी एक फसवी जाहिरात स्क्रीनवर आली आणि दोघांनाही तो मोह आवरला नाही. ओझसच्या परवानगीनेच अबीरने त्या जाहिरातीवर क्लीक करत मोबाईल मधील बॅकेंचे डिटेल्स टाकले, कंपनीकडून आलेला ओटीपी त्याच मोबाईलवर आला आणि त्याच क्रमांकाने बॅंक अकाउंटही लिंक होते, त्यामुळे अबीरने ओटीपी टाकताच काही वेळात मोबाईलवर बॅंकेतील ५० हजारांची रक्कम लंपास झाली. बॅंकेचा मेसेजही आला तेव्हा मात्र ओझसची भंबेरी उडाली आणि त्याने भीतीने त्यांनी तासभर घरी जायचे टाळले आणि तासाभराने तो मेसेज डिलीट करत मोबाईल पप्पांकडे सुपूर्द केला. थेट दुसऱ्या दिवशी पप्पांनी काही कारणानिमित्त गुगलपे चेक केला तर बॅंक अकाउंट झीरो झालेला. ओझसच्या पप्पांना अकाउंट झीरो कशाने झाला ते कळेच ना.. बॅंकेत फोन केल्यावर रविवारी सकाळी अकराच्या सुमारास बॅेकेतली सारी रक्कम ट्रान्सफर झाल्याचा सुगावा लागला त्यावेळी मोबाईल ओझसकडे होता, हे कळाल्यावर मग ओझसला विचारणा झाली आणि मग ओझसने घडलेलेा किस्सा पप्पांना सागंतिला. पोलीस केस झाली मात्र ना रक्कम मिळाली ना कोणाकडे रक्कम ट्रान्सफर झाली त्याचा सुगावा लागला.
अशीच घटना तुमच्या घरातही घडू शकते. त्यामुळे वेळीच सावध व्हा आणि बॅंकेचे अकाउंटला लिंक असलेला किंवा गुगल पे, फोन पेसारख्या ॲप असलेला आणि मुलांना त्याचा पासवर्ड माहीत असेल तर तसा मोबाईल मुलांच्या हाती ट्रॅन्झॅक्शनसाठी देणे शक्यतो टाळाच. देशभरात मुलांच्या गेम्सच्या मध्यमातून अनेक फ्रॉड कंपन्यांनी अनेकांचे बॅंक अकाउंट साफ केल्याचा घटना घडल्या आहेत. त्याची दखल घेतल पोलिसांनीही पालकांसाठी काही मार्गदर्शनक टिप्स दिल्या त्यापैकी सर्वांत महत्वाची टिप म्हणजे मुलांसाठी मोबाईल घेतला असेल तर ते शक्यतो सिमलेस द्या आणि इंटरनेसाठी वाय-फाय वापरा किंवा मग हॉटस्पॉटव्दारे त्याच्या मोबाईलला नेटवर्क द्या. म्हणजे त्याच्या मोबाईलवर ना कोणता ओटीपी येईल ना बॅंकेचे डिटेल्स जातील.
मुलांच्या हाती मोबाईल देताना या टिप्स जरूर फॉलो करा.
सिमलेस मोबाईल द्या
प्ले स्टोरवरील पॅरेंटल कंट्रोल सेंटिंग ऑन करा
बॅंकेशी लिंक असलेला मोबाईल शक्यताे मुलांना देऊच नका
पैशांच्या ट्रॅन्झॅक्शन संबंधित ॲप्सचे पासवर्ड मुलांना सांगू नका
मुलांकडून पैशांची ट्रॅन्झॅक्शन करण्याची सवलत देऊ नका जसे मोबाईल रिजार्च, वीजबिल व इतर पेमेंट करणे
पासवर्ड बच्चों को न बताएं। खासकर तब जब आपके बैंक खाते में जुड़े मोबाइल नंबर की ही सिम मोबाइल सेट में उपयोग हो रही हो।
तुमच्या बॅंकेतील पैसे ट्रान्सफर झाल्याचा मेसेज आल्यास पहिल्यांदा घरातील सद्स्यांकडून त्यांनी काही व्यवहार केले का? याची खात्री करा
घरातील व्यक्तींकडून व्यवहार झाला नसेल व रक्कम ट्रान्सफर झाली असेल तर तातडीने पोलिसांना कळवा किंवा www.cybercrime.gov.in संपर्क करा