खोर : खोर (ता. दौंड) इनाम टेकड़ी खिंंडीचीवाडी परिसरात एका महिलेवर सामूहिक बलात्कार करण्याची घटना शनिवार दि. २९ रोजी रात्री ८:३० ते ११:०० सुमारास घडली. या घटनेतील पाच आरोपी पोलिसांनी ताब्यात घेतले आहेत. अजय बापू चौधरी (वय २२ वर्ष, रा. खोर, पाटलाचीवाडी), किरण रोहिदास चौधरी (वय २७ वर्ष, रा. खोर, पाटलाचीवाड़ी,) शंकर संपत चौधरी, वय २६ वर्ष (रा. खोर, पाटलाचीवाड़ी,) नवनाथ नाना कोकरे (वय ३२ वर्ष, रा. खोर, खिंंडीचीवाडी) संतोष भगवान चव्हाण (वय ३२ वर्ष रा. गिरिम) अशी त्यांची नावे आहेत.
या बाबत माहिती अशी की, संबंधित महिला वय ३० वर्ष ही शनिवारी रात्री ७ च्या सुमारास भांडगाव येथे वाढदिवस साजरा करण्यासाठी आली असताना ती हॉटेल यशोदा समोर उभी होती. त्यावेळी हॉटेल मधून एक इसम बाहेर आला व तु कोठून आली आहे. तुझ्या भावाचा अपघात झाला आहे. चल तुला सोडवतो असे म्हणत गाड़ी मध्ये बसविले. व त्यानंतर खोर (ता. दौंड) इनाम टेकड़ी खिंंडीचीवाडी परिसरात नेऊन ह्या पाच आरोपींनी संबंधित महिलेवर सामूहिक बलात्कार केला आहे. त्यानंतर ही महिला भांडगाव येथे पुणे-सोलापुर येथे सोडण्यात आले. महिलेने यवत पोलीस ठाण्यात जावून तक्रार केल्यावर गुन्हा दाखल करण्यात आला आहे. व सदर आरोपी यांना ताब्यात घेतले असून पुढील तापस पोलिस निरीक्षक नारायण पवार व सहायक पोलिस निरीक्षक माधुरी तावरे करीत आहेत.