पुणे : पहाटे 4.40 मिनिटांनी लागलेल्या आगीत भवानी पेेठेतील चांभारआळी येथील एक फर्निचरचे दुकान जळून खाक झाले. आगीची तीव्रता अधिक असल्यामुळे या दुकानासमाेर उभ्या असलेल्या तीन दुचाकी सुद्धा या आगीत जळाल्या.
अग्निशमन दलाकडून मिळालेल्या माहितीनुसार आज सकाळी 4.40 च्या सुमारास भवानी पेठेतील एका फर्निचरच्या दुकानाला आग लागली. क्षणार्धात आगीने राैद्र रुप धारण केले. अवघ्या पाच मिनिटात मुख्य अग्निशमन दलाची फायर गाडी घटनास्थळी दाखल झाली. आगीवर पाण्याचा मारा करत 15 मिनिटात आगीवर नियंत्रण मिळविण्यात आले. त्यानंतर कुलिंग करण्यात आले. दरम्यान या आगीत संपूर्ण दुकान जळून खाक झाले. त्याचबराेबर दुकानासमाेर उभ्या असलेल्या तीन दुचाकी सुद्धा या आगीत जळाल्या. आग पसरु नये म्हणून शेजारील दाेन दुकानांचे शटर उघडून तपासणी करण्यात आली. त्याचबराेबर हा रहिवासी भाग असल्याने आग पसरणार नाही याची खबरदारी घेण्यात आली. शार्ट सर्किटमुळे आग लागली असावी असा अंदाज वर्तविण्यात येत आहे.
भवानी पेठ मुख्य अग्निशमन केंद्राचे स्टेशन ऑफिसर प्रकाश गाेरे, फायरमन चंद्रकात गावडे, संजय जाधव, नवले, राजेश कांबळे, कुल्हाळ यांनी आग विझवली.