भीषण आगीत चार दुकाने भस्मसात, अंदाजे २५ लाखांचे नुकसान

खराडीतील दर्गा ते ईआॅन आयटी पार्क रस्त्यावरील चार दुकानांना लागलेल्या भीषण आगीत चार दुकाने जळून भस्मसात झाली.

ठळक मुद्देचार दुकानांना लागलेल्या भीषण आगीत अंदाजे २५ लाख रुपयांचे नुकसान

चंदननगर: खराडीतील दर्गा ते ईआॅन आयटी पार्क रस्त्यावरील चार दुकानांना लागलेल्या भीषण आगीत चार दुकाने जळून भस्मसात झाली. ही घटना मंगळवारी (दि.१७ एप्रिल) दुपारी सव्वा बाराच्या सुमारास घडली. या आगीत कोणतीही जीवितहानी घडलेली नाही. मात्र, चार दुकानांचे मिळून अंदाजे २५ लाख रुपयांचे नुकसान झाल्याची चंदननगर पोलिसांनी दिली आहे. आगीचे कारण अद्यापही समजू शकलेले नाही.  पोलिसांनी दिलेल्या माहिती नुसार, दर्गा ते खराडी या रस्त्यावर दर्गा येथे हॉटेल रॉयल स्पाईस, गादी कारखाना,आईस्क्रिम पार्लर, दुचाकी गॅरेज,भंगार दुकान अशा चारही दुकानांमध्ये भीषण आगीत भस्मसात झाली. तसेच असुन अंदाजे २५ लाखांचे नुकसान झाल्याचे प्राथमिक तपासात पोलिसांनी व्यक्त केला. या दुकानांच्या जवळ असलेल्या संगिता जगदिश शेडगे यांना देखील या आगीचा फटका बसला असून त्यात संसारोपयोगी साहित्य नष्ट झाले. यावेळी अग्निशामक दलाचे चार बंब घटनास्थळी दाखल झाले. तब्बल एक तासांनतर ही आग आटोक्यात आणण्यात अग्निशामक दलाच्या कर्मचाऱ्यांना यश आले.