आळेफाटा येथे कपड्याच्या दुकानाला आग

आळेफाटा चौकापासून जवळच असलेल्या कल्याण महामार्गा लगतच्या इमारतीत असलेल्या कविता रामकृष्ण गागरे यांचे फॅन्सी गारमेंट दुकानाला शाॅर्टसर्किमुळे पहाटे आग लागली. पाहता पाहता ही आग संपुर्ण दुकानात पसरली यामुळे दुकानातील कपडे, कटलरी वस्तू, पार्लर साहित्य, घर सजावटी वस्तूंसह दुकानातील फर्नीचर जळून खाक झाले. आगीची तीव्रता लक्षात घेत जुन्नर अग्निशमन दलाचे गाडील पाचारण करण्यात आले. यानंतर आग विझवण्यात

आली. दरम्यान या आगीत मोठे नुकसान झाले असून कविता गागरे यांनी याबाबत आळेफाटा पोलिसांत तक्रार दाखल केली आहे. तसेच वडगाव आनंद तलाठी यांनी पाहणी केली असून नुकसानीचा पंचनामा करण्यात येणार आहे.

फोटो ओळी.

आळेफाटा येथील फॅन्सी गारमेंट दुकानाला आग लागून झालेले नुकसान.