Video : हडपसरमध्ये मध्यरात्री आग;19 मजूर कुटुंबांची घरे जळून खाक

- अग्निशमन दलाच्या पाच गाड्या घटनास्थळी दाखल होत आगीवर नियंत्रण मिळवण्यात आले.

पुणे - पुण्यातील हडपसर परिसरात मध्यरात्री भीषण आग लागून 19 मजूर कुटुंबांची पत्रा-बांबूच्या शेडची घरे पूर्णपणे जळून खाक झाली. सुदैवाने कोणतीही जीवितहानी किंवा जखमी झाल्याची घटना घडलेली नाही. अग्निशमन दलाच्या पाच गाड्या घटनास्थळी दाखल होत आगीवर नियंत्रण मिळवण्यात आले. घटना कशी घडली?ही आग लोहिया गार्डन शेजारील मगरपट्टा चौकाजवळील भोरी पडळ भागात रात्री सुमारे दोन वाजण्याच्या सुमारास लागली. स्थानिकांच्या माहितीनुसार काही अज्ञात मुलांनी मोटरसायकल पेटवली. पेटलेल्या दुचाकीचा स्फोट झाल्यानंतर शेजारील पत्र्याच्या झोपड्यांना आग लागून भीषण दुर्घटना घडली. घरातील लोकांना आग लागल्याचे लक्षात येताच त्यांनी आरडाओरडा करून सर्वांना बाहेर काढले. त्यामुळे मोठी जीवितहानी टळली.

 अग्निशमन दलाची धावपळपुणे अग्निशमन दल तातडीने घटनास्थळी दाखल झाले.हडपसर अग्निशमन केंद्र प्रमुख प्रमोद सोनवणे व प्रभारी अधिकारी विलास धडस यांच्या मार्गदर्शनाखाली जवानांनी पाच अग्निशमन वाहनांच्या सहाय्याने आग आटोक्यात आणली. मजूर कुटुंबांचे मोठे नुकसानया आगीत 19 कुटुंबांची घरे, संसारोपयोगी वस्तू, महत्त्वाचे कागदपत्रे आणि तीन दुचाकी जळून खाक झाल्या.येथील कुटुंबे बिगारी काम करून उदरनिर्वाह करत होती. या दुर्घटनेमुळे त्यांचा संपूर्ण संसार उद्ध्वस्त झाला आहे. स्थानिक प्रशासनाकडून नुकसानग्रस्तांना मदत देण्याची मागणी होत आहे.पोलिस तपास सुरूआग लावणाऱ्या अज्ञात मुलांचा शोध सुरू असून पोलिसांकडून तपास सुरू आहे. CCTV फुटेज तपासले जात असल्याची माहिती मिळाली आहे.