शिरूर : टाकळी हाजी येथे दुचाकीवरुन आलेल्या दोघा व्यक्तींनी गोळीबार केल्याने एकाचा मृत्यू झाला आहे तर एक जण गोळी चाटुन गेल्याने जखमी झाला आहे. या घटनेने टाकळी हाजी परिसरात खळबळ उडाली आहे.
या प्रकरणी शिरूर पोलीस ठाण्यात गुन्हा दाखल करण्यात आला आहे .स्वप्निल छगन रणसिंग .असे या हल्यात मयत झालेल्या तरुणाचे नाव आहे तर स्वप्निल सुभाष गावडे हा गोळी चाटुन गेल्याने किरकोळ जखमी झाला आहे.
मिळालेल्या माहितीनुसार, सोमवारी सकाळी हॉटेल मळगंगाच्या पाठीमागे सर्कल ऑफिस समोर दुपारी बारा वाजण्याच्या सुमारास मयत रणसिंग व त्याचा मित्र गप्पा मारत असताना पल्सर मोटर सायकलवरून आलेल्या दोघा अज्ञात हल्लेखोरांनी गोळीबार केला. त्यात रणसिंग याच्या पाठीला गोळ्या लागल्याने त्याला शिरूर येथील खाजगी दवाखान्यात आणले असता त्याचा उपचारापूर्वी मृत्यू झाला तर स्वप्निल सुभाष गावडे हा गोळी चाटुन गेल्याने किरकोळजखमी झाला आहे. या घटनेची माहिती समजताच पोलिस निरिक्षक प्रविण खानापुरे तात्काळ घटनास्थळी दाखल होऊन पाहणी केली. या हल्लाप्रकरणी अद्याप कारण स्पष्ट झाले नसुन पुढील तपास शिरुरपोलिस करत आहे .