नालासफाईच्या नावाखाली धूळफेक

त्याचबरोबर तक्रार करूनही अद्यापपर्यंत येथील गवत काढून साफसफाई केली गेली नसल्याने पावसाळ्यात या ओढे-नाल्यांतून पाणी वाहण्यास अडचणी येणार आहे.

सिंहगड रस्ता परिसरात अनेक ठिकाणी छोटे-मोठे ओढे-नाले आहेत. यातून पावसाळ्यात तर पाणी वाहतेच, पण बाकी काळात ड्रेनेज व सांडपाणीही यात वाहत असते. परिसरात काही ठिकाणी भुयारी ड्रेनेज योजना नसल्याने बहुतांश वसाहतींचा मैला ओढे-नाल्यांतूनच सोडला गेला आहे. अभिरुची मॉल परिसरात असणाऱ्या नाल्यात एवढे गवत वाढले आहे की त्याठिकाणी नाला आहे हे दिसत सुद्धा नाही. मात्र, याबाबत तक्रार करूनही अद्यापपर्यंत महापालिकेने कोणतीच कार्यवाही केली नसल्याचे शिवसेना विभागप्रमुख नीलेश गिरमे यांनी ‘लोकमत’शी बोलताना सांगितले.

चौकट:

आयुक्तांसह महापौरांनी केली ओढ्या-नाल्यांची पाहणी... माॅन्सूनपूर्वच्या दृष्टीने गेल्या आठवड्यात महापौर मुरलीधर मोहोळ व आयुक्त विक्रमकुमार यांनी सिंहगड रस्ता परिसरातील ओढ्या-नाल्यांची पाहणी केली. ज्या ठिकाणचा गाळ काढून साफसफाई केली आहे अशाच ठिकाणचा भाग त्यांना क्षेत्रीय कार्यालयाच्या अधिकाऱ्यांनी दाखवला असल्याची चर्चा नागरिकांत आहे.

कोट:

सिंहगड रस्ता परिसरातील ओढे - नाल्यांची व गटरीची साफसफाई होणे गरजेचे आहे, जर वेळेत साफसफाई झाली नाहीतर नागरिकांच्या घरामध्ये पावसाचे पाणी घुसून आर्थिक नुकसान होऊ शकते. तसेच नागरिकांच्या आरोग्याचा प्रश्न निर्माण होऊ शकतो.

- नालेश गिरमे, शिवसेना विभागप्रमुख

-

------

सिंहगड रस्ता परिसरातील सर्व ओढ्या - नाल्यातील गाळ काढण्यात आला आहे. त्याचबरोबर साफसफाई करण्यात आली आहे. संबंधित नाल्याची साफसफाई करण्यात आली होती. मात्र, त्यानंतरही गवत वाढले असेल तर तेही काढण्यात येईल.

- देवेंद्र राठोड, कनिष्ठ अभियंता, मलनिस्सारण विभाग

फोटो ओळ: अभिरुची मॉल परिसरात असणाऱ्या नाल्यामध्ये मोठ्या प्रमाणात गवत वाढले असल्याने पुराचा धोका संभवतो आहे. (छायाचित्र : कल्याणराव आवताडे)